Abdujélil Qaraqash Ependi < Yawropa Azatliq Radiosi > ning Ziyaritini Qobulqilghanda, Xitay Hakimiyitining Rabiye Qadir Xanimning Oghli Alim Abdurehimni Jazagha Höküm Qilghanliqini Qattiq Eyiplidi

< Sherqiy Türkistan Informatsiyon Merkizi > ning pirezidenti Abdujélil Qaraqash ependi, 11 – ayning 27 – küni < Yawropa azatliq radiosi > ning ziyaritini qobul qilghanda, shu küni Xitay sot mehkimilirining < Dunya Uyghur Qurultiyi > ning yéngi reyisi Rabiye Qadir xanimning oghli Alim Abdurehimni 7 yilliq qamaq jazasigha höküm qilghanliqini, < bu, Xitay mustemlikichilirining Rabiye xanimdin öch élish meqsidide qesten élip bargha namertlerche bir herikiti > dep eyiplidi.

Abdujélil Qaraqash ependi muxpirning Ablikm Abdurehim weqesi munasiwiti bilen sorighan so’allirigha jawap berip, < Rabiye xanim Xitay mustemlikichilirining ziyankeshliki tüpeydin bigunah halda 6 yildin artuq türmide yatti, Rabiye xanim azat bolup chetelge chiqip ketkendin keyin, Xitay hakimiyiti unung weten ichidiki perzentlirige ziyankeshlik qilishqa yüzlendi, ularning meqsidi, Rabiye xanimni milliy dawadin waz kechürüsh yaki uni chetelde rohiy jehettin aram tapquzmasliq idi, emma Rabiye xanim Xitay hakimiyitige zit pükmey, özining heqqani kürishini dawamlashturdi, Xitay hakimiyitining Rabiye xanimning < Dunya Uyghur Qurultiyi > ning reyisi bolup saylanghan mezgilge toghra keltürüp uning oghligha ziyankeshlik qilghanliqimu, bu hakimiyetning siyasi jehettin öch élish muddasini ochuqche körsütüp turmaqta > dep körsetti.

Abdujel Qaraqash ependi, Xitay sot mehkimiliri teripidin Alim Abdurehim heqqide tüzüp chiqqan atalmish < iqrarname > we < delil – ispatlar > ning pütünley saxta hem oydurmidin ibaret ikenlikini, Xitay hakimiyitining mehbuslarni qiynash arqiliq mejburi ixrar qildurushni we qilmighan ishni < qildim > digüzüshni ezeldin adet qilip kelgenlikini, shunga Xitay sot mehkimilirining herqandaq hökümlirining hech bir qanuni asasining bolmighanliqini alahide tekitlep ötti.