|
Rabiye Qadir Xanim Bawariyining Yuqiri Derijilik Hökümet Xadimliri Bilen
Körüshti
RFA ning xewer qilishiche, DUQ ning reisi, ataghliq insan heqliri
paaliyetchisi Rabiye Qadir xanim 11 – ayning 27 – küni seher DUQ ning xizmet
binasida ötküzülgen Qarar qobul qilish yighinini tamamlighandin kèyin,
Bawariye Shitatining yuqiri derijilik hökümet xadimliri, parlamènt we
partiyiler rehberliri bilen alahide uchrushush èlip bèrip, Sherqiy
Türkistandiki insan heqliri qirghinchiliqi heqqide doklat bergen
DUQ Ijraiye komitèti reisi Alim Sèyit ependining bildürishe, DUQ reisi
Rabiye Qadir xanim Bawariyidiki eng chong partiyilerdin biri bolghan „Sotsiyal
dèmokratlar partiyisi“ning rehberliri bilen bolghan söhbetlirini
axirlashturghandin kèyin, Bawariye Shtatining merkizi bolghan München
shehrining hökümet binasigha kèlip, muawin Sheher bashliqi bilen söhbetler
èlip barghan.
DUQ ning reisi Rabiye Qadir xanim München Sheher bashliqi bilen bolghan
söhbettin kèyin, Gèrmaniyediki töt chong Partiyining biri bolghan „Yèshillar
Partiyisi“ ning Bawariyidiki mes`uli Margarita xanim bilen söhbet èlip
barghan we Xitay terepning 2 – nöwetlik DUQ chaqirilishtin ilgiri, Bawariye
hökümet xadimlirigha bèsim ishlitishke urunghanliqi heqqidiki weqening
tepsilatidin waqip bolghan.
DUQ Ijraiye komitètining reisi Alim Sèyit ependining sözige qarighanda, „Yèshillar
Partiyisi“ ning Bawariyidiki mes`uli Margarita xanim Xitay hökümètining
Münchendiki Bash konsuli Yang famililik xitayni Ispiyunluq jinayiti bilen
eyiplep, uni sotqa bèridighanliqini ashkarilighan.
Bu heqtiki xewer Münchenda neshiridin chiqidighan „Kechlik Gèzit“ ning 24 –
noyabirdiki sanida „xitay ishpiyunliri hökümet binasida“ dègen namda èlan
qilinghan idi.
DUQ Ijraiye komitèti reisi Alim Sèyit ependi, Gèrmaniye bash ministèri
Anjila Merkil xanimning 2 – nöwetlik DUQ ni tebriklep alahide xet
ewetkenlikining tarixi ehmiyitining nahayiti zor bolidighanliqini tekitlep
ötti.
DUQ ning reisi Rabiye Qadir xanim 11 – ayning 20 – künidin 23 – künigiche,
Gèrmaniye paytexti Bèrlinda èlip barghan ziyariti jeryanida, Gèrmaniye
Fediral jumhuriyitining yuquri derijilik hökümet xadimliri bilen uchrushup,
Uyghurlar mesilisi boyiche muhim söhbetlerde bolghanliqini eskertken idi.
|
