|
Abdujélil Qaraqash Germaniyening 4 Chong Shehride Uyghurlar Mesilisi Heqqide
Doklat Berdi
Öz xewirimiz: bundin ikki ay burun,< Sherqiy Türkistan Informatsiyon Merkizi
> ning pirezidenti Abdujélil Qaraqash ependi Germaniyening herqaysi
rayonliridiki Türk teshkilatliri bilen alaqe ornutup, Sherqiy Türkistan
mesilisi heqqide doklat bérish purogrammisi tüzüp chiqqan idi. Bu
purogrammigha asasen Abdujélil Qaraqash ependi ötken jümedin ykshanbe künige
qeder Germaniyening Dortmun, Stutgart, Duisburug, Lünen sheherlirige bérip,
bu rayonlardiki Türk – Islam teshkilatlirining ezalirigha Sherqiy
Türkistanning nöwettiki omomiy weziyiti, Xitay hakimiyitining Uyghurlargha
qaritip kéliwatqan türlük zulum we besim siyasetliri, Sherqiy Türkistan
milliy Musteqilliq herikitining tereqqiyat ehwali, uyghur xelqining arzu –
istekliri … qatarliq keng mezmonlarda doklat bérip öttti.
Yuqarqi sheherlerde bérilgen 4 qetimliq doklat yighinigha 1000 din artuq
kishi qatnashti.
Abdujélil Qaraqash ependi özining yazma doklatigha birleshtürüp, ETIC
teripidin hazirlap chiqilghan we Sherqiy Türkistanning siyasi weziyiti
ekis’ettürülgen Widio filmi hem Foto – süretlerni körsütüp ötti. Doklat
bérish jeryanida yene Türk qérindashlargha Xitayning Uyghurlargha qaratqan
türlük zulumliri namayen qilinghan teshwiqat waraqliri tarqitip bérildi.
Abdujélil Qaraqash ependi bergen doklatlirida, nöwette Yawropada 3 milyondin
artuq Türkning yashawatqanliqini we Germaniyedimu Türük qérindashlarning 2 –
chong milletke aylanghanliqini, Yawropada tesiri nahayiti küchlük bolghan
Türk qérindashlarning özliri bilen Dindash we qan qérindash bolghan Uyghur
xelqining milliy musteqilliq heriketlirige maddi we meniwiy jehettin yardem
bérishi lazimliqini alahide eskertip ötti.
Türk teshkilatlirining rehberlirimu qilghan sözlirige, Sherqiy Türkistan
dawasining peqet Uyghurlarningla dawasi emes, belki pütün Türki xelqlerning
ortaq dawasi ikenlikini, shunga Uyghur xelqining musteqilliq heriketlirige
yardem bérishni özlirining bir milliy hem wijdani burchi dep
qaraydighanliqini bildürüshti.
Abdujélil Qaraqash ependining buxil doklat bérish pa’aliyiti mushu yilning
axirghiche üzlüksiz dawam qilidu.
|
