Milliy Rehbirimiz Rabiye Qadir, <Dunya Uyghur Qurultiyi> ning Reyisi Bolup Saylandi

Öz xewirimiz: mushu ayning 24 – küni Germaniyening München shehride bashlanghan 2 – nöwetlik <Dunya Uyghur Qurultiyi>, özining barliq küntertiplirini muwapiqiyetlik orundap, bügün ghelibilik ayaqlashti.

Qurultayda, milliy herikitimizning rehbiri we meniwiy animiz Rabiye Qadir xanim, 15 döwlettin kelgen barliq wekillerning birdek awazi bilen, <Dunya Uyghur Qurultiyi> ning reyisi bolup saylandi.


Qurultayning démokratik usolda élip bérilghan saylimida, Türkiyedin géniral Muhammet Riza bekip ependi Qurultayning pexri reyislikige, milliy ustazlirimizdin Erkin Alptekin we Sidiq haji Rozi ependiler bash mesilihetchilikke, Germaniyedin Esqerjan, Kanadadin Muhemmet Tohti, Türkiyedin Siyit Tümtürk, Qazaqistandin Qehriman ghujamberdiler Qurultayning mu’awin reyislikige, Amerikidin Alip Siyitof ependi Qurultay ijrahiye komitétining reyislikige, Germaniyedin Dolkun Eysa bash katipliqqa, yene Germaniyedin Ablikim Hoten ependi Ijrahiye komutétining mu’awin reyislikige saylandi.

Bügün chüshtin burun herqaysi ellerdin kelgen Qurultay wekilliri Xitayning Müncheh shehridiki konsulxanisining aldigha toplunup, kommunist Xitay hakimiyitige qarshi naraziliq namayishi ötküzdi.
Qurultayning resmi axbarati élan qilinghandin kéyin sizlerge bu qétimqi qurultayning mezmoni heqqide téximu etirapliq melumat berishke tirishimiz.