Gül Üstige Gül Qonghusi

Anwar

1949-yili Xitay hökümiti , Armisiyini bashlap wetinimizge tajawuz qilip kirgendin keyin , Eysa Yüsüp Alptikin ependi bashchilighidiki bir qisim wetenperwer zatlar weten dewasini dawamlashturush üchün chetellerge chikip ketti. Ular Afghanistan, Ottura Asia diki Türk memliketliri, axirqi hisapta Türkiyege toplinip, wetinimizning musteqilliq dewasini Türk Dunyasi we Islam Dunyasigha anglitip, musteqillq, hörlükni qolgha keltürüsh Küresh tariximizda öchmez netijilerni qolgha keltürgen idi. Eysa Yüsüp Alptikin ependimiz hayatining axirqi minutlirigha qeder bu küreshni toxtatmay, dawamini biz ewlatlargha qaldurup u alemge seper qilghan idi.

Erkin Alptikin ependimiz ejdatlirimizning izini dawamlashturup, bizning musteqillik küresh dewayimizni Türk we Islam Dunyasidin halqitip, Gherip dunyasi we pütkül Yawrupada bixlandurdi.

1980-yilining axiri 1990-yillirining beshidin bashlap Erkin Alptikin ependimizning bashchiliqidiki bir qisim wetenperwer zatlirimiz bir yaqidin bash, bir yengdin qol chiqirip uighur tarixi, örip-aditi, uighur mediniyiti, uighur senitini tunushturushta zor iqtisadi qiyinchiliqlargha berdashliq bérip, hardim-taldim dimey qanchilik imkaniyiti bolsa, shu imkaniyetliridin tuluq paydilinip, bizning musteqilliq dawayimizning yawrupada yiltiz tartip kengiyishi üchün belgilik asas saldi. We uighurlarning yawrupada jamaet bolup shekillinishide yitekchilik rol oynidi.

Mana bügünki künge kelgende dunyaning her qaysi jaylirida Uyghur jamaitining uyushmirili barliqqa kilip, Asiadin Yawrupaghiche hetta shimali Amérika qitesigiche tutashqan Uyghur musteqillik dawasidiki systimlashqan, merkezleshken Uyghur jamaet birliki meydangha keldi.

Bolupmu Rabiye Kadir animiz Xitay kommonistlirining tömür qepizidin qutulup hör dunyagha chiqqandin buyanqi qisqighine waqit ichide, Amérika we yawrupa tupriqida bizning musteqillik kürishimiz teximu janlinip gül üstige gül qonghandek boldi.

Rabiye Kadir animizning "Rafto Mukapati" gha érishishi, "Nobel Ténichliq Mukapati" gha namzat bolishi , "Dunya Uyghur Qurultiyi"ning iqdisadi yardemge érishishi qatarliqlarning hemmisi 21-esirde Uyghur musteqillik dawasining gherip dunyasida qolgha keltürgen netijilirining janliq pakiti.

Uyghur musteqilliq dawasi Yawrupa we gherip elliride janlinip, bahar tüsini élip shanliq netijilerni qolgha kelturiwatqan, chetellerdiki Uyghur jamaeti teshkilatimiz etrapigha zich uyushup, ittipaqliqni ilgiri süriwatqan, musteqillik dawasidiki iz-basarlirimiz mas qedemde yitishiwatqan mushundaq yaxshi bir tarixi peyitte " Dunya Uyghur Qurultiyi" 2-qetimliq qurultiyining ghelbilik échilishini kütüwilish aldida turmaqdimiz.

Qurultayning ghelbilik échilishi, Uyghur musteqilliq dawasidiki sitiratigiyélik pilan, nishan programlirining tarixtiki sewenliklerni yekünligen asasda mukemmel tüzülishi her bir Uyghurning arzu-ümidi we hazirqi weziyetning jiddiy teqqazasi !

Rehberlik gruppisining zimmisidiki wezipe heqiqeten nazuk we japaliq. Ularni qollap we etrapigha zich uyushush musteqilliq dawa sépimizdiki her bir Uyghurning bash tartip bolalmaydighan burchi, qerzi hem wezipisi.