Xitayda Yiligha 200 Ming Kishi Sahte Dora Ichip Ölidu

Ötken peyshenbe küni Germaniyening Bonn shehride chaqirilghan < saxte dorilardin mudapiye körüsh xelqaraliq yighini > da, nöwette Dunyada mewjut bolup turiwatqan sehiye dorilirining 10 pirsentining saxte dorilar ikenliki qeyt qilindi we saxte dorilargha qarshi qandaq tedbir qollunush mesilisi muzakire qilindi.

Dunya sehiye teshkilati teripidin uyushturulghan we her qaysi ellerdin 100 din artuq wekil qatnashqan bu qetimqi yighinda körsütülishiche, nöwette saxte dorilarning tarqilishi bir qeder éghir bolghan rayonlar Afriqa bilen Latin Amérika elliri bolup, bezi afriqa elliride bazarlardiki dorilarning 50 pirsentidin köpireki saxte dora iken, bezi Latin Amérikisi elliridimu bu nisbet 30 – 40 pirsentke yetip baridiken. Yawropada bolsa saxte dorilarning nisbiti 1 pirsentkimu barmaydiken.

Yighinda, Xitaydimu saxte dorilarning tarqilishining bir qeder keng ikenliki we her yili ottura hisap bilen 200 ming insanning saxte dora yep ölüwatqanliqi bayan qilinghan.

Bu qetimqi yighinda, saxte dorilarni cheklesh üchün mexsus qanun turghuzush, bashqurush, qanun ijra qilish, texnika we uchur jehette herqaysi eller otturisida hemkarliqni yolgha qoyush mesilisi muzakire qilinghan.

Sherqiy Türkistanmu Xitay boyiche yalghan we saxte dorilarning tarqilishi birqeder keng bolghan rayonlarning biri bolup, yerlik qorchaq hökümetning jazalash tedbirliri intayin ajiz bolghini üchün, buyer Xitay aldamchilirining jennet makanigha aylanghan.