Xitay Sodigerliri Sherqiy Türkistanda Yimeklik Meyining Bahasini Ashuriwetti

< Tianshan tori > ning xewer qilishiche, 10 – aydin buyan Sherqiy Türkistanda yimeklik meyining bahasi omomiy yüzlük eship ketken we eshish nisbiti 10 – 15 pirsentke yetip barghan.

Nöwette bazarlirida setiliwatqan yimeklik meyining 95 pirsenti Sherqiy Türkistanda ishlepchiqirilghan bolup, Xitayning ichki ölkiliridin kirgüzülgen may aran 5 pirsent etrapida iken.

Yuqarqi xewerde körsütülishiche, adette Sherqiy Türkistanda yimeklik mayning bahasi Xitay boyiche erzan iken, emma 10 – ay kirgendin buyan Xitayning ichki ölkiliride yimeklik meyi xam’eshyasining bahasi biraqla 15 pirsent örlep ketken, shunga Xitayning ichki ölkiliridiki sodigerler buni purset bilip, Sherqiy Türkistandin ichkiri ölkilerge zor miqdarda yimeklik meyi yötkep setishqa bashlighan, netijide bazar qalaymiqanliship, mayning bahasi shiddet bilen örlesh bilen birge, yerlikke may yetishmaydighan weziyet shekillengen.