< Dunya Uyghur Qurultiyi > ning 2 – Nöwetlik Omomiy Wekiller Yighini Jümme Küni Germaniyeda Bashlinidu

DUQ merkizi orgini teripidin élan qilinghan axbaratta körsütülishiche, Dunya Uyghur Qurultiyining 2-nöwetlik umumi qurultiyi 2006-yili 11-ayning 24-künidin 27-künigiche Germaniyening Müchen shehride ötküzilidu.

Qurultay 24-noyabir saat 19:00 da Eden Hotel Wolff ning Europa zalidiki échilish murasimi bilen resmi bashlinidu.

< Sherqiy Türkistan Informatsiyon Merkizi > teripidin bashquruliwatqan < uygut – tv >, bu qetimqi qurultayning échilish murasimining emiliy ehwalini pütün dunyagha tarqitidu we Qurultay axirlashqandin keyin, Qurultay merkizi orginining maqulliqi bilen, Qurultayning asasi mezmonidin sizlerni xewerdar qilishqa tirishidu.
Qurultay merkizi orginining axbaratida bildürilishiche, Bu qetimqi Qurultaygha Ottura Asya döwletliri, Amérika, Kanada, Türkiye, Awustraliye, Erbistan, Gollandiye, Belgiye, Fransiye, Swetsiye, Norwigiye, Engilye, Germaniye, Swetsariye qatarliq döwletlerdin kelgen wekiller ishtirak qilidu.

DUQ ning 2-nöwetlik umumi Qurultiyining 24-noyabir künidiki échilish murasimigha Germaniye Federal Hökümet we Parlamentining, shundaqla Bawarye Hökümet we Parlamentining bir qisim ezaliri, siyasi partiye reisliri we xelqra insan heqliri teshkilatlirining mesuliri teklip qilindi. Échilish yighinida Xelqara Kechurum Qilish Teshkilati (AI), Xeter Astidiki Milletler Teshkilati (GfBV), Chigirasiz Insan heqliri teshkilati (HRWF), Wakaletsiz Milletler Teshkilati (UNPO) qatarliq xelqara teshkilatlarning wekilliri Xitay hökümitining Sherqiy Turkistandiki qirghinchliq siyasasetliri, Uyghur kishilik hoquq weziyetliri heqide dokilat teqdim qilidu.

Bu qetimqi qurultayning sherep mihmini ataghliq kishilik hoquq paaliyetchisi, Uyghur milli herkitining rehbiri, Uyghurlarning meniwi anisi we 2006-yilliq nobil ténchliq mukapatining asasliq namizatliridin biri bolghan Rabiye Kadeer xanimdur. Qurultayda reis Erkin Alptekin pütün Sherqiy Türkistanliqlargha wakaliten Rabiye xanimge „Uyghur Mukapati“ teqdim qilip, Rabiye xanimning Uyghur milli herkiti üchün élip barghan paaliyetlirige bolghan minettarlighini bilduridu.

25 - 27-noyabir künliri 15 döletin kelgen Sherqiy Turkistan teshkilat wekillirining qatnishishi bilen Sherqiy Turkistan milli herkitining stradigiyéliri, pilan-programiliri muzakire qilinidu, qararlar qobul qilinidu we DUQ ning yengi rehberliri saylinip chiqilidu.

Sizlerge melum bolghinidek, 2004 – yili Germaniyening München shehride chaqirilghan birleshme qurultayda, 1996 – yili qurulghan < Dunya Uyghur yashliri Qurultiyi > nilen, 1999 – yili qurulghan < Sherqiy Türkistan Milliy Qurultiyi > ning birlishishi netijiside hazirqi < Dunya Uyghur Qurultiyi > qurup chiqilghan we meshhur Uyghur siyasiyon Erkin Alptekin ependi qurultayning reyisi bolup saylanghan idi.