|
Tarim Yawa Étini Oghrilap Satqan Bimngtuanlik Xitaylar Qolgha Chüshti
Chetellerdiki Uyghur ziyaliliri, Sherqiy Türkistandiki qimmetlik yawayi
haywanlarning neslining qurup kétishige Xitay köchmenlirining sewepchi
boluwatqanliqini tekitlep kelgen idi, Xitay metbu’atlirida élan qilinghan
bezi xewerler, Uyghur ziyalilirining yuqarqi qarashlirining toghriliqini
ispatlap turmaqta.
Mesilen, < Tianshan tori > ning 11 – ayning 17 – küni xewer qilishiche, <
aptonom rayonluq orman saqchi idari > yéqinda Ürümchining Dawanching
rayonida, memliket boyiche 2 – derijilik qoghdilidighan yawayi haywanlar
türige kirgüzülgen Tarim yawa étini oghriliqche yötkep kétiwatqan Xitay
etkeschilirini qolgha chüshürgen.
Bu etkeschiler Bingtuanning 2 – dewiziyesi qarmighidiki 33 – polkigha mensup
Xitaylar bolup, bir mashinigha 33 tuyaq Tarim yawa étini qachilap
kétiwatqanda qolgha chüshken. Mashinidiki yawa atlardin 9 i hawa
yétishmeslik we achliq sewebidin yolda ölgen bolup, Bingtuanlik Xitaylar bu
yawa atlarni Ürümchidiki melum bir at musabiqisi meydanigha sétish üchün
élip kétiwatqan iken.
< Aptonom rayonluq orman saqchi idarisi > ning mu’awin bashliqi Eziz bu
heqte toxtulup, < döwlet teripidin qoghdulidighan yawayi haywanlarni toshush
we yötkesh üchün < aptonom rayonluq ormanchiliq nazariti > ning testiqi
bolushi kérek, emma bu etkeschilerning qolida hechqandaq ruxset qeghizi yoq
> dep körsetken.
|
