|
Xitaydiki < Xinjiang Toluq Ottura Sinipliri > gha Iwétilidighan
Oqughuchilarning Yilliq Sani 20 Minggha Yetküzülmekchi
Xitay hökümiti, Uyghurlarning milliy ma’aripini Xitaylashturush we Uyghur
yashlirini atsimilatsiye qilish qedimini tezlitish meqsidide, 2000 – yilidin
étibaren Xitayning herqaysi ölkiliridiki ottura mekteplerde atalmish <
Xinjiang toluq ottura sinipi > ni tesis qilip, Sherqiy Türkistanning jenobi
rayonlirini asas qilghan halda bir türküm Uyghur yashlirini bu < Xinjiang
toluq ottura sinipliri > gha iwétip terbiyileshke bashlighan idi.
< Xinjiang iqtisat geziti > ning 11 – ayning 7 – küni xewer qilishiche,
Xitay hökümiti 2010 – yiligha qeder bu < Xinjiang toluq ottura sinipliri >
gha iwétidighan oqughuchilarning yilliq sanini 20 minggha yetküzüshni
pilanlighan.
Yuqarqi xewerde körsütülishiche, 2004 we 2005 – yilliri Xitayning ichki
ölkiliridiki bu atalmish < Xinjiang toluq ottura sinipliri > gha iwétilgen
yerlik oqughuchilarning sani ottura hisap bilen 2000 etrapida bolghan bolsa,
buyil 5000 gha yetküzülgen.
Xitay hökümiti yene < öz yeghida özini qorush > taktikisini qollunup,
Xitayning ichki ölkiliride tesis qilinghan bu < Xinjiang toluq ottura
sinipliri > gha merkezdin meblegh ajratmay, eksiche Sherqiy Türkistanning
yerlik maliyesidin 70 milyon yuandin köpirek meblegh ajratqan.
Mezkur xewerde körsütülishiche, hazirgha qeder Xitayning ichki ölkiliridiki
26 sheher we bu sheherlerdiki 43 ottura mekteptede mexsus < Xinjiang toluq
ottura sinipliri > tesis qilinghan bolup, bu siniplarni tamamlighanlar
biwaste halda memliketlik ali mektep imtahanigha qatnashturulidiken.
|
