Bay Nahiyeside < 5 te kapaletlik > Ach – Yalingachlarning Sani 11 mingdin artuq

Aqsuning Bay nahiyesi, Sherqiy Türkistan boyiche eng namrat nahiyilerning biri bolup, atalmish < mediniyet zor inqilabi > mezgilide bu nahiyede 5000 din artuq Uyghur achliqtin ölgen idi. Gerche bay nahiyesi Sherqiy Türkistan boyiche asasliq ashliq ishlepchiqirish nuxtilirining biri hésaplansimu, emma Bay xelqi héch bir zaman ismigha layiq < Bay > bolalmidi.

< Tianshan tori > ning 11 – ayning 3 – künidiki xewiride körsütülishiche, nöwette Bay nahiyeside < 5 te kapaletlik > ach – yalingach ayilidin 4500 din köpireki bar bolup, bu ayililerning jan sani 11 mingdin köpirek iken.

Yeqinda nahiyilik hökümet bu ach – yalingach namratlarning qishta achliqtin yaki soghuqtin tonglap ölüp qelishining aldini elish üchün, ulargha yotqan – körpe, paxtiliq kiyim we anche – munche ashliq we may tarqitip bergen.

Nöwette Sherqiy Türkistanda bay nahiyesige oxshighan namrat nahiyilerning sani az emes, namratlarmu pütünley digüdek Uyghurlar, ularning bu halgha chüshüp qelishigha, Xitay hakimiyitining iqtisadi talan – taraj siyasiti, derijidin tashqiri baj we alwang – seliqlar sewepchi bolup kelmekte, yeni mesilining tüp yiltizi – Xitay hakimiyitining mustemlikichilik siyasitidin ibaret !.