Sherqiy Türkistanning Import, Ekisport Miqdarining 38 Pirsenti Bingtuanning Konturolliqida

Xitayning resmiy statiskilirida Sherqiy Türkistanning hazirqi omomiy noposi 20 milyon, Sherqiy Türkistandiki atalmish < ishlepchiqirish qurulush Bingtuani > ning noposi bolsa ikki yerim milyon etrapida, emma Bingtuan Xitay merkizi hökümitining türlük étibar berish siyasetlirige we shundaqla özining zorluq – zombuliqigha tayinip Sherqiy Türkistanning herqaysi saheliridiki tesiri we nopozini peydin – pey ashurup kelmekte.

Mesilen, tashqi sodini élip eytsaq, < Xinjiang géziti > ning 10 – ayning 25 – künidiki xewiride körsütülishiche, buyilning aldinqi 3 peslide Bingtuan qarmighidiki karxanilarning tashqi sodidiki import – ekisport qimmiti 2 milyart 461 milyon dollargha yétip, pütün Sherqiy Türkistanning tashqi soda import – ekisport miqdarining 38 pirsentini teshkil qilghan, bunung ichide ekisport miqdari shertiqiy Türkistanning soda ekisport miqdarining 42.5 pirsentini igelligen.

Uzun yillardin buyan Sherqiy Türkistanda Xitay merkizi hökümitining Milliy rayonlargha qarita chiqarghan étibar berish siyasetliridin milliylar emes, belki Bingtuanliklerni asas qilghan Xitay köchmenliri paydilinip kelmekte we Sherqiy Türkistanda öz aldigha musteqil xandanliq quriwalghan Bingtuan, chetel karxaniliri bilen biwaste soda alaqisi qilip kelmekte..