Sherqiy Türkistangha Zeherlik Chékimlik Yötkigen Pakistanliqlar Qonjirap Eghizida Qolgha Chüshti

< Xinjiang géziti > ning 10 – ayning 27 – küni xewer qilishiche, Sherqiy Türkistangha sayahetke kelgen 3 neper Pakistanliq, Qonjirap chegra eghizida 6405.9 giram heroyin bilen qolgha chüshken.

Yuqarqi xewerde körsütülishiche, Sherqiy Türkistan Xelqaraliq zeherlik chékimlik menbiyi rayonigha yéqin we xoshna bolghini üchün, Sherqiy Türkistangha zeherlik chékimlik eqip kirish xewipi zor iken.

Sherqiy Türkistan Xitay boyiche zeherlik chékimlikning ziyinigha eng éghir derijide uchrighan rayonlarning biri bolup, Uyghur yashliri ichide zeherlik chékimlik chekküchilerning sani roshen derijide eship barmaqta.

Uyghurlar arisida, < heroyinni Xitay ekilidu, tunggan satidu, Uyghur chékidu > deydighan söz tarqalghan bolup, hazirmu hem Sherqiy Türkistangha eqip kiriwatqan zeherlik chékimliklerning köp qismi Xitayning ichki ölkiliridiki zeherlik chékimlik etkeschilirining wastisi bilen élip kélinmekte.