Iqtisadi Adaletsizlikning Roshen Ipadisi

< Tianshan tori > ning xewer qilishiche, 10 – ayning 25 – küni Bingtuanning 8 – déwiziyesi qarmighidiki 136 – polki chong yighin chaqirip, ichkiridin paxta térishqa kelgen Xitaylarning wekillirini mukapatlighan.

Mezkur xewerde körsütülishiche, peqet 136 – polikning özigila 8 – aydin buyan Gansu, Henan we Sichuandin 8000 ming Xitay kelgen bolup, bu paxtichi Xitaylar ikki ay ishlep her biri 2000 yuandin artuq sap kirim qilghan.

Paxta térish ayaqlashqandin kéyin, 136 – pok rehberliki yene 10 ming yuan ajritip, bu paxtichi Xitaylarning ichidiki nemunichilirini mukapatlighan.

Buyil 9 – ayning 26 – küni, Hoten wilayetlik partikomning sekritari Zhu Hai Lün Ürümchide muxpirlarni kütiwélish yighinida qilghan sözide, Hoten wilayitide déhqanlarning kishi beshigha toghra kélidighan yilliq sap kirimining 1337 yuan ikenlikini bayan qilghan.
Yene Qeshqer wilayetlik partikomning sekritari Shi Da Gang 10 – ayning 21 – küni < aptonom rayonluq 7 – nöwetlik partiye qurultiyi > da qilghan sözide, Qeshqer wilayitidiki déhqanlarning kishi beshigha toghra kélidighan yilliq sap kirimining 1800 yuan ikenlikini otturigha qoyghan idi.

Yuqarqi ikki wilayet, Sherqiy Türkistan boyiche Uyghurlar eng zich olturaqlashqan wilayetler bolup, noposning 90 pirsentidin köpireki Uyghur, yeni, yuqarqi reqemler Uyghur déhqanlirining kirimige qaritilghan.