< 2008 Olimpik Yighinining Hemkarlashquchisi ADIDAS Shirkiti Xitaydin Kishilik Hoqoqni Yaxshilashni Telep Qilishi Lazim >

< Germaniye dolqunliri radiosi > ning xewiride körsütülishiche, Xelqara Tibetni qollash herikiti Germaniye shöbisi bayanat elan qilip, < 2008 – yilidiki Beijing olimpik tenherket yighinining asasliq hemkarlashquchisi we Dunyagha meshhur ADIDAS shirkiti Xitay hökümitidin Tibetning kishilik hoqoq mesilisini we shundaqla Xitayning kishilik hoqoq weziyitini yaxshilishini telep qilishi lazim > dep körsetken.

< Germaniye dolqunliri radiosi > ning xewiride körsütülishiche, Xelqara Tibetni qollash herikiti Germaniye shöbisining mesuli Muller ependi bu heqte qilghan sözide, dunyagha meshhur ADIDAS shirkitining özining iqtisadi küchi arqiliq Xitaygha biwaste tesir körsüteleydighanliqini we Xitayning kishilik hoqoq weziyitining yaxshilinishi üchün ijabi rol oyniyalaydighanliqini eskertip kélip, < ADIDAS shirkiti Xitaydin Tibettiki kishilik hoqoq tajawuzchiliq qilmishlirini derhal toxtutushni, Tibet mesilisini tenichliq usoli bilen hel qilishni telep qilishi lazim > dep bayan qilghan.

Xewerde körsütülishiche, ADIDAS shirkitining Xitay bazarlirigha kirginige 20 yildin ashqan bolup, bu shirket 2010 – yilighiche Xitaygha qilidighan ekisport sommisini bir milyart eurogha yetküzüshni pilanlighan.