Yawropa Birliki Bilen Xitay Otturisidiki 22 – Nöwetlik Kishilik Hoqoq Söhbiti Yighini Ötküzüldi

<Germaniye Dolqunliri> radiosining xewer qilishiche, ötken peyshenbe küni Xitayda ötküzülgen Yawropa birliki bilen Xitay otturisidiki 22 – nöwetlik kishilik hoqoq söhbiti yighinida, Yawropa birliki wekilliri Xitayning kishilik hoqoq jehettiki tajawuzchiliq qilmishlirini tenqitligen.

Bu qétimqi söhbet jeryanida Yawropa birliki wekilliri, Xitay hökümitining, döwlet ichidiki puxralarning internet tori arqiliq uchur igellishige qaratqan tekshürüsh we cheklimini ashurghanliqigha bolghan endishisini bildürgen, shunung bilen birge yene, Xitay hökümitining köpligen muxpirlarni, kishilik hoqoq qoghdughuchilirini we adwukatlarni tutqun qilghanliq qilmishini qattiq tenqitligen we Xitay hökümitidin ulargha qaratqan ziyankeshlikini derhal toxtutushni telep qilghan.

Yuqarqi xewerde körsütülishiche, Yawropa birliki bilen Xitay otturisidiki 23 – qétimliq kishilik hoqoq söhbiti yighini kéler yili küzde Germaniyede chaqirilidiken.

Sherqiy Türkistan, Xitay boyiche internet tor betlirining bashqurulushi eng qattiq, jazalash tedbirliri eng küchlük rayon bolup, buxil bashqurush we jaza asasi jehettin Uyghurlargha qaritilghan.