Sherqiy Türkistanning Ékilogiyelik Muhiti Éghir Xewip Astida

<Tianshan Tori> ning xewiride körsütülishiche, nöwette Ürümchide chaqiriliwatqan <Aptonom Rayonluq 7 – nöwetlik partiye wekilliri Qurultiyi> jeryanida herqaysi wilayettin kelgen wekiller söz élip, Sherqiy Türkistanning ékilogiyelik muhitining éghir xewipke duch kéliwatqanliqini bayan qilishqan.

Chöchek wilayetlik partikomning sékritari Peng Jia Rui Qurultay jeryanida söz qilip, bezi nahiye we sheherlerning ichkiri ölkilerdin paxotqa chiqirilghan kéreksiz zawut üskünilirini kirgüzgenlikini, bu üsküniler bilen qurulghan zawutlarning iqtisadi jehette ziyan tartipla qalmastin, tebiy mohitnimu éghir derijide bulghap kéliwatqanliqini bayan qilghan.

Chöchek wilayitining walisi Tiliwaldi Abdurishitmu söz élip, Tarim oymanliqining ottura qismigha jaylashqan Gülistan yayliqiningmu éghir derijide buzghunchiliqqa uchrap, barghansiri xarapliship kétiwatqanliqini, chongliqi jehette Xitay boyiche 2 – orunda turidighan we kölümi 3 milyon modin ashidighan Gülistan yayliqini asrash tedbirliri ajiz bolghini üchün, yaylaqta su menbeliri qurup, yéshilliq kölümining kündin – künge tariyip kétiwatqanliqini tekitligen.

Mezkur xewerde körsütilishiche, Gülistan yayliqi hazirghiche Hökümetning mohit asrash türige kirgüzülmigen.