Rozi Héytingizlargha Mubarek Bolsun!

Mubarek ramazan eyini tamamlap, mana bügün hayajan, söygü we xoshalliq tuyghusi ichide eziz héytimizni kütiwalduq, bu munasiwet bilen men merkizimizdiki barliq xadimlargha wakaliten Sherqiy Türkistanliq pütün qérindashlirimning rozi héytini yürektin qutluqlaymen we ulargha janabi allahtin bexit – sa’adet, xoshalliq, bériket, salametlik we xatirjemlik tileymen!

Eziz qérindashlirim, pütün dunya musulmanliri ten – tene bilen mubarek rozi héytini tebriklewatqan bügünki künde, biz Sherqiy Türkistanliqlarning könglimiz yérim, dilimiz sunuq, qelbimiz teswirlep tügetküsiz azap ichide turmaqta, biz héch bir waqit bayram we ayemlirimizni erkin dunya musulmanliridek xatirjemlik we söyünüsh tuyghusi ichide qutluqluyalmay kelduq, biz buxil azapni eziz wetinimiz mustemlikige duchar bolghan bir esirdin köpirek waqittin buyan tartip kéliwatimiz, chünki mustemliki astida, mustemlikichilerning zulmi astida qul bolup yashawatqan héch bir xelq yaki millet bayram xoshalliqidin behriman bolup baqqan emes, ularning 360 küni zulum, qayghu, hesret we nadamet ichide ötken.

Dunyada bizdek bundaq esirlerche azap chekken, ezilgen, xorlanghan we depsendichilikke uchrighan bashqa bir millet bolmisa kerek!

Gerche biz chetellerde yashawatqan Uyghurlar huddi erkin dunya musulmanliridek héch bir bésim, tosalghu yaki cheklimige uchrimay rozimizni tutup, tirawil namizimizni qilip bügünki bayramgha qedem basqan bolsaqmu, emma janabi Allah guwaki, hemmimizning qelbi wetende, wetendiki ata – ana, uruq – tuqqan, dost – buraderlirimizde … ularni bir minut, bir sikuntmu ésimizdin chiqirip qoyghinimiz yoq, wetende qerindashlirimiz yawuz, wehshi Xitay mustemlikichilirining zulmi astida eziliwatsa, xarliniwatsa biz qandaqmu xatirjemlik we xoshalliq ichide héyt ötküzeleyli … ?

Dimek heqiyqet shuki, biz mustemlikidin qurtulmay turup héch bir zaman xoshalliq ichide heytimizni ötküzelmeymiz, biz bu heqiyqi xoshalliqimizni pidakarliqimiz, kürishimiz arqiliqla qolgha keltüreleymiz!

Janabi Allah hemmige qadir, künlerning biride bizningmu hör, musteqil bir wetinimiz bolidu, xelqimizgimu kökte ay – yultuzluq kök bayraq jewlan qilghan eziz wetinide héytini, baytimini ten – tene we iptixarliq bilen qutluqlash nesip bolidu!

Axirida pütün wetendashlirimning roza héytini qayta – qayta mubarekleymen, Allah bizge yaru – hemdem bolghay!
 

Cheksiz hörmet we ehtiram bilen:

Abduljelil Qaraqash

<Sherqiy Türkistan Informatsiyon Merkizi> ning pirezidenti

2006 – yil 10 – ayning 23 – küni
Germaniye - München