Qeshqer Wekillirining Bayanliri, Wang Le Quanning Saxtipezlikini Otturigha Chiqardi

Saxtipezlik, aldamchiliq we öz – özini inkar qilish bolsa Xitay kommunistlirining tüp alahidiliki.

Xitay kommunistik partiyesi merkizi komutetining ezasi we < Aptonom Rayonluq Partikom > ning sekritari Wang Le Quan, 10 – ayning 19 – künidin etibaren Ürümchide chaqirilishqa bashlighan < Aptonom Rayonluq 7 – Nöwetlik Partiye Wekiller Qurultiyi > da bergen doklatida, ötken 5 yil mabeynide kompartiyening sayiside Sherqiy Türkistanda ghayet zor tereqqiyatlarning barliqqa kelgenlikini, Xelq turmushining zor derijide yaxshilinip, iqtisadi kiriminingmu hessilep ashqanliqini, yerliklerningmu nöwette bayashat we xatirijem turmushqa ige bolghanliqini aghzi – aghzigha tegmey sözlep ketken idi. Emma bu qetimqi Qurultayning muzakire yighinlirida bezi wekiller teripidin otturigha qoyulghan dert – shikayetler, Wang Le Quanning saxtipezlikini ochuqche körsütüp turmaqta.

Bununggha, Qeshqer Wilayetlik Partikomning sekritari Shi Da Gang bilen, Qeshqerning Walisi Ekper Ghupurning inkaslirini missal qilip körsütüsh mumkin.

< Tianshan tori > ning 10 – ayning 21 – küni xewer qilishiche, Qurultay wekili we Qeshqer Wilayetlik Partikomning sekritari Shi Da Gang bu qetimqi qurultayda söz qilip eynen mundaq dep körsetken: < eger jenobi Xinjiang halliq sewyege yetmise, pütün Xinjiangning halliq sewiyege yetishi mumkin emes, Qeshqer wilayiti bolsa Xinjiangning yeza igilik chong rayoni we nopos chong rayoni bolup, qeshqerdiki dehqanlarning sani pütün Xinjiangdiki dehqanlarning omomiy sanining 6 den bir qismini teshkil qilidu … emma herxil amillar tüpeylidin dehqanlarning kirimini ashurush intayin tes boluwatidu, ötken yili kishi beshigha toghra kelidighan otturiche kirim aldinqi yildikige qarighanda 200 yuan ashqan bolsimu, emma peqetla 1800 yuan etrapida bolup, peqetla dehqanlarning qursughini toyghuzush mesilisi hel qilindi >.

Qurultay wekili we Qeshqer walisi Ekper Ghupurmu yighinda qilghan sözide dert töküp, eger Qeshqerde igilikni tereqqi qildurimen dise, wilayet qarmighidiki 5 derya – eqingha mensup bolghan 800 nechche kilometir uzunluqtiki kelkündin mudapiye körüsh tosmisini mustehkemlesh lazimliqini, shor besip jiddi xewip astida qalghan 4 milyon 600 ming mo terilghu yerni yaxshilash üchün jiddi tedbir qollunush lazimliqini, wilayet boyiche hazirghiche jin chiraqta hayat kechüriwatqan 10 pirsent etrapidiki kenitlerge eliktir chiriqi ornutush lazimliqini otturigha qoylghan.

Köpchilikke melum bolghinidek, Qeshqer wilayiti Sherqiy Türkistan boyiche Uyghurlarning sani eng köp we Uyghurlar eng zich olturaqlashqan rayon bolup, Qeshqer xelqining turmush sewiyesi, melum menidin alghanda pütün Uyghurlarning turmush sewiyesini ölcheshtiki asasliq ölchem hisaplinidu. Qeshqer wilayetlik partikomning sekritari bilen Qeshqer walisining yuqarqi bayanliri, Wang Le Quanning doklatida otturigha qoyulghan < qolgha keltürülgen ajayip netijiler > ning pütünley yalghan sepsetiler ikenlikini körsütüpla qalmastin, yene kommunist Xitay hakimiyitining yerlik xelqning ölüp – tirilishi bilen hech bir zaman kari bolmighanliqini, yerlikni gaday qilip, Xitay köchmenlirini bay qilish siyasitini yürgüzüp kelgenlikini ochuqche ispatlap turmaqta.