Wang Le Quanning < Partiye Wekiller Qurultiyi > diki Biljirlashliri

Xitay kommunistik partiyesi merkizi komutetining ezasi we < Aptonom Rayonluq Partikom > ning sekritari Wang Le Quan, 10 – ayning 19 – küni chüshtin burun Ürümchide chaqirilishqa bashlighan < Aptonom Rayonluq 7 – Nöwetlik Partiye Wekiller Qurultiyi > da bergen doklatida, < ötken 5 yil mabeynide Tianshanning jenobi we shimali rayonliri hayati küchke tolup – tashti, sheher – yezilarning qiyapitide ghayet zor özgürüshler yüz berdi, islahat, tereqqiyat we muqimliq xizmetliride, partiye qurulushi we türlük ishlarda közge körünerlik ilgirlesh hasil qilindi > dep biljirlighan.

Wang Le Quan doklatida yene, bundin keyinki 5 yil ichide < Deng Xiao ping neziriyesi > bilen < 3 ke wekillik qilish > sho’arini yetekchi idiye qilip, kompartiyening hakimiyetni idare qilish sewiyesini ashuridighanliqini we 2010 – yiligha barghanda dehqan – charwichilarning kishi beshigha toghra kélidighan yilliq sap kirimini 3390 yuange yetküzidighanliqini tekitligen.

Bu qétim chaqirilghan < Zhungguo kommunistik partiyesi Xinjiang uyghur aptonom rayonluq 7 – nöwetlik wekiller qurultiyi > gha jem’i 620 neper wekil qatnashqan bolup, yighingha qorchaq reyis Ismayil Tiliwaldi riyasetchilik qilghan we yighin 10 – ayning 24 – künigiche dawam qilidiken.

Wang Le Quan doklatida, Sherqiy Türkistanning Xitaygha bolghan ehmiyiti we tesiri heqqide toxtulup, < yengi esirdiki yengi basquchta, Xinjiangning memlikitimizning tereqqiyati we muqimliqidiki stiratigiyélik orni teximu gewdilik ashmaqta, Xinjiang bolsa memlikitimizning gherbi shimalidiki stiratigiyélik orun bolup, memlikitimizning sirtqa echilishidiki mohim eghiz, shundaqla memlikitimizning stiratigiyélik énirgiye menbiyining mohim bazisi, shunung üchün Xinjiangning tereqqiyati we muqimliqi, memlikitimizning muqimliqi we birliki üchün, milletler ittipaqliqi we döwletning bixeterliki üchün, yene shundaqla Zhunghua millitining uluq güllinishi üchün intayin mohim > dep bayan qilghan.
Yuqarqi doklatta Wang Le Quanning ötken 5 yil ichide < qolgha keltürülgen tereqqiyat we netijiler > heqqidiki bayanliri, Sherqiy Türkistanning emiliy ehwaligha we chetellik siyasi küzetküchilerning bu heqtiki baha hem qarashlirigha tamamen zit kelmekte.


Emiliyette bolsa ötken 5 yil, Sherqiy Türkistanda muqimsizliq amilliri eng kücheygen 5 yil bolup, bu jehette hetta Xitay hökümitining özimu Xelqaraliq siyasi sehnilerde dat – peryat oqup, < Xinjiangdiki Milliy bölgünchiler memlikitimizning muqimliqi we bixeterlikige jiddi tehdit séliwatidu > dep shikayet oqup, Uyghurlarning zulumgha qarshi élip bériwatqan heqqani milliy heriketlirini siyasi jehettin qarilap kelgen idi.
Yene ötken 5 yil, kommunist Xitay hakimiyitining Sherqiy Türkistandiki Diniy sahege qaratqan besimi we ziyankeshliki eng kücheygen, Sherqiy türkistan xelqighe qaratqan atsimilatsiye qilip yoqutush siyasiti eng yuquri pellige kötürülgen we Sherqiy Türkistanning tebiy bayliqlirini talan – taraj qilish we Xitay köchmini yötkesh siyasiti eng tezleshtürülgen 5 yil idi, yene shundaqla bigunah insanlar eng köp ziyankeshlikke uchrighan, yerlik dehqan – charwichilar iqtisadi jehettin eng éghir weyranchiliqqa uchrighan 5 yil idi. Bu 5 yil ichide yerlik dehqan – charwichilarning kishi beshigha toghra kélidighan yilliq sap kirimi 1000 yuandin ashmighan, bu 5 yilda peqetla Bingtuanlik xitaylarning we Xitay köchmenlirining iqtisadi kirimidila eshish bolghan idi.

Unung üstige ötken 5 yil, Xitay kommunistik hakimiyiti Xelqaraliq kishilik hoqoq teshkilatlirining we Demokratik ellerning eng qattiq eyiplishige uchrighan we Xelqara siyasi sehnilerde Uyghurlarning kishilik hoqoqlirining depsendichilikke uchrighanliqi heqqide eng köp doklat we axbaratlar elan qilinghan 5 yil idi