Xitay Armiyesining Népal Chégrisida Tibetliklerge Oq Chiqarghanliqi Heqqidiki Widio Körünishi Élan Qilindi

Yeqinda Xitay chégra mudapiye qisimlirining Népalgha qéchip ketiwatqan Tibetliklerni öqqa tutup, bezi Tibetliklerni öltürgenliki we yarilandurghanliqi dunya metbu’atliri teripidin xewer qilinghan idi.

<Germaniye dolqunliri> radiosining xewer qilishiche, Romaniye Téliwiziye Istansisi <Pro TV> de Xitay eskerlirining Népal chégrisida Tibetliklerge oq chiqarghanliqigha dayir körünüshler élan qilinghan bolup, bu körünüshlerni bezi chetel muxpirliri 9 – ayning 30 – küni Tibettiki Döwlet téliwiziyesidimu körgen.

Mezkur widio körünishide, bir top kishining qarliqta ömilep kétiwatqanliqi, ularning arqidin oq awazi kéliwatqanliqi, oq awazi bilen teng aldi tereptiki bir kishining yéqilip chüshkenliki, qéchip kétiwatqan bir kishining engilizche, <ular bizge oq chiqiriwatidu, bizni xuddi it owlighandek étiwatidu> dep waqirighanliqi körsütülgen web u widio körünishi nahayiti uzaqtin körünüshke élinghan.

Xitay hökümiti bolsa bu weqede özini aqlap, <ularni nesihet bilen qayturushqa tirishtuq, emma ularning qarshiliq körsütishige uchriduq, shunga oq chiqirishqa mejbur qalduq> dep körsetken.