Ürümchi Poyéz Istansisining Amanliq Saqlash Tedbirliri Kücheytildi

Xitayning ichki ölkiliridin poyéz bilen éqip kiriwatqan Xitay aqqunlirining sanining tarixta misli körülüp baqmighan derijide köpüyüshi bilen, Xitay hökümiti Ürümchi poyéz istansisigha toplanghan nechche 10 ming Xitay aqqunining bixeterlikige kapaletlik qilish üchün, poyéz istansisidiki amanliq saqlash tedbirlirini kücheytken.

<Tianshan Tori> ning xewiride körsütülishiche, Ürümchi tömür yol idarisi qarmighida mexsusla poyéz istansisini qoghdaydighan <xelq eskerliri etriti> qurup chiqilghan bolup, bu etret poyéz istansisida kéche – kündüz charlash élip bérishqa bashlighan.

Yuqarqi xewerde körsütülishiche, bu <xelq eskerliri etriti> ning wezipisi, <buzghunchiliq, partilitish we tuyuqsiz hujumgha uchrashning aldini élish> iken.

Yerlik xelqning her küni Sherqiy Türkistangha nechce 10 minglap kiriwatqan Xitay aqqunlirigha bolghan naraziliqlirining üzlüksiz küchüyishi Xitay hakimiyitini qattiq endishige sélip kelmekte.