|
Wang Le Chuan Chetel Muxpirlirini Kütiwélish Yighinida Tigh Uchini Rabiye
Xanimgha Qaratti
<Tianshan Tori> ning xewer qilishiche, 10 – ayning 16 – küni chüshtin burun,
Xitay merkizi komutéti siyasi birosining ezasi we <Aptonom Rayonluq Partikom>
ning sékritari Wang Le Chuan, chetel muxpirlirini kütiwélish yighini
chaqirip, muxpirlarning, Sherqiy Türkistanning iqtisadi, ekilogiyelik ehwali,
milliy, diniy siyaset we az sanliq milletlerning turmush ehwali … qatarliq
keng mezmonlarda sorighan so’allirigha jawap bergen.
Bu qétimqi muxpirlarni kütiwélish yighinigha, <Amerika axbarat agéntliqi>, <Firansiye
axbarat agéntliqi>, <Roytris axbarat agéntliqi>, <Luxiu axbarat agéntliqi> …
qatarliq dangliq 18 axbarat orginigha tewe 30 muxpir qatnashqan.
Gerche Xitay metbu’atlirida bu qétimqi muxpirlarni kütiwélish yighinining
mezmoni heqqide tepsili melumat bérilmigen bolsimu, emma, <RFA> we <Roytris
agentliqi> teripidin bu heqte berilgen xewerde körsütülishiche, Wang Le
Chuan chetel muxpirlirigha qilghan sözige tigh uchini Uyghurlarning meniwiy
anisi we Sherqiy Türkistan milliy herikitining rehbiri Rabiye Qadir xanimgha
qaratqan.
Wang le Chuan Rabiye xanimning chetellerde Xitaygha qarshi élip bériwatqan
pa’aliyetlirini qattiq tenqitlesh bilen birge, Rabiye xanimni <wetenge
xiyanet qilghan> dep chalwaqighan.
<Roytris agéntliqi> ning ürümchidin xewer qilishiche, wang léchüen
muxbirlarni kütüwélish yéghinida, Xitay hökümitining Uyghur
paaliyetchilirini basturush siyasitini aqlashqa tirishqan hemde, <Zhungguo
hökümitining shinjangdiki asasliq nishani, yerlik xelqlerning milliy
medeniyitini qoghdash emes, turmush sewiyisini yuqiri kötürüsh> dep
körsetken.
<Roytris agéntliqi> ning xewiride mundaq dep körsütülgen: <gerche wang
léchüen térrorchiliqqa qarshi heriketning din bilen munasiwetlik emeslikini
tekitligen bolsimu, lékin Xitay hökümiti diniy erkinlik telep qilghan Uyghur
paaliyetchilirini chetellerdiki térrorluq teshkilatliri bilen alaqisi bar
dep eyiblep, ulargha qarshi basturush herikiti élp barmaqta hemde Uyghur
élide yashawatqan Uyghurlar, Xitay hökümitining balilirigha hetta öz
öyliridimu diniy telim terbiye bérishni chekligenlikini bildürmekte>.
|
