ETIC, Ramazanliq Pa’aliyetlirini Chongqurlashturdi

<Sherqiy Türkistan Informatsiyon Merkizi>, her yilliq mubarek Ramazan eyidin paydilinip, Germaniyediki Türk – Islam teshkilatlirigha we musulman jama’etlirige Sherqiy Türkistan we Uyghurlarning weziyiti heqqide melumat bérish pa’aliyitini izchil türde dawamlashturup kelmekte.

<Sherqiy Türkistan Informatsiyon Merkizi> ning pirezidenti Abdujelil Qaraqash ependi bu yilmu ramazan eyi kirgen haman mexsus teshwiqat pilani hazirlap chiqip, Xitayning Uyghur musulmanlirigha séliwatqan chekidin ashqan zulumliri we Uyghur xelqining arzu – istekliri namayen qilinghan Germanche we Türkche tillardiki mexsus teshwiqat waraqlirini, qollanmilarni hazirlap chiqip, ularni Yawropaning herqaysi elliridiki Türk – Islam teshkilatlirigha we musulman jama’etlirige pochta arqiliq iwetse, yene bir tereptin Sherqiy Türkistan mesilisi heqqide doklat bérish purogrammisi tüzüp chiqip, Germaniyening her qaysi rayonlirigha bérip, Türk – Islam teshkilatlirida we jamilerde meysus Uyghurlar heqqide melumat bérip kelmekte.

Abdujelil Qaraqash ependi 10 – ayning 6 – künidin 12 – künigiche Germaniyening Dortmund shehridiki we sheher etrapidiki Türk – Islam teshkilatliri we ulargha ayit jamilerde mexsus Sherqiy Türkistan mesilidi heqqide doklat berdi.

Abdujelil ependi ilgiri – kéyin bolup Dortmund diyanet jamiside, Türkler teripidin qurulghan <Ötüken teshkilati> ning merkizide, <milliy körüsh teshkilati> ning Dortmundiki shöbe teshkilatlirida we musulman jama’etliri teripidin uyushturulghan iptarlarda we Tirawil namazlirining aldi – keynide mexsusla Uyghurlar mesilisi heqqide jemi 10 qetimdin artuq doklat berdi, Abdujelil ependi doklatigha birleshtürüp ulargha Uyghurlarning nöwettiki échinishliq weziyiti ekis’ettürülgen Foto – süretlerni we alahide hazirlanghan vidio körünüshlirini qoyup bérip, doklatini teximu tesirchanliqqa ige qildi.

Bolupmu Abdujelil Qaraqash ependining Dortmund diyanet merkez jamisining munbiride bergen 40 minutluq doklati, jamidiki musulman milletlerni intayin tesirlendürdi, bu qétimqi doklatni ayallarmu jamining ikkinchi qewitidiki ayrimxanida turup tingshidi.
 

Tünögün kechte Abdujelil Qaraqash ependi yene Germaniyening Augusburg rayonidiki <Alparistan Türkesh Jemiyiti> bilen Gunsburg rayonidiki <Ergenekon Türk Mediniyet Merkizi> ning tekliwige asasen bu ikki jaygha bérip, iptarda we Tirawil namizidin kéyin bu ikki jemiyetning ezalirigha we musulman jama’itige Sherqiy Türkistanning omomiy weziyiti heqqide sestimiliq doklat berdi.

Abdujelil Qaraqash ependining muxpirimizgha bildürishiche, ramazan kirgendin buyan, ETIC teripidin mexsus hazirlanghan we Xitayning Uyghur musulmanlirigha séliwatqan chekidin ashqan zulumliri we Uyghur xelqining arzu – istekliri namayen qilinghan nechche ming nusxa Germanche we Türkche teshwiqat waraqliri tarqitilghan bolup, Abdujelil ependimu doklat bérish pa’aliyitini ramazan axirighiche dawamlashturidiken