|
Amerikining München Shehridiki Konsulxanisi Teripidin Bérilgen Iptargha
Uyghurlarmu Teklip Qilindi
Germaniyening München shehride turushluq Amerika konsulxanisi, Ramazanda
musulman milletler bilen bolghan diyalog we dostluqni kücheytish meqsidide
mexsus iptar berdi, bu qétimqi iptargha bezi islam ellirining konsulliri,
München shehridiki asasliq musulman teshkilatlirining mesulliri teklip
qilindi.
<Yawropa Sherqiy Türkistan Birliki> ning sabiq reyisi we München sheherlik
chetellikler mejlisining mu’awin reyisi Esqerjanmu Amerika konsuli Eric
Nelson ependining tekliwi bilen bu qétimqi iptargha qatnashqanlarning biri
idi.
Amerika Konsulxanisida bérilgen bu qetimqi iptarda bash konsul Eric Nelson
ependi söz qilip, pütün insanlarning Hezriti Ibrahimning ewlatliri
ikenlikini, mubarek ramazan eyining pütün Amerika elchixanilirini
tebriklengenlikini, chünki Islamning Amerikining ayrilmas mohim bir parchisi
ikenlikini we bu qétimqi iptar arqiliq öz ara söhbetlishish, tonushush
imkaniyitige érishkenlikini bayan qilip, dunyaning her qaysi elliridiki
Amerika konsulxanilirining her ramazan eyida musulman dostlirigha iptar
bérishni adetke aylandurup kelgenlikini tekitlidi.
Esqerjanmu iptar jeryanida bash konsul Eric Nelson we bashqa qimmetlik
mehmanlargha Uyghurlar we Sherqiy Türkistan heqqide qisqiche melumat bérish
imkaniyitige ige boldi.
Esqerjanning muxpirimizgha bildürishiche, 10 – ayning 20 – küni Esqerjan <Germaniye
Yeshiller Partiyesi> teripidin uyushturulidighan bir muhakime yighinigha
teklip qilinghan, bu yighinda Germaniyede yashawatan chetellikler üchün
yengi qanun tüzüp chiqish mesilisi muzakire qilinidiken.
Yene 10 – ayning 27 – küni Esqerjan <Germaniye Hiristiyan Sotsiyal Partiyesi>
ning tekliwige bina’en, bu partiye teripidin chaqirilidighan <Germaniyediki
chetelliklerning mediniyitini qandaq saqlap qélish kérek?> digen temidiki
muhakime yighinigha qatnishidiken.
Wetenperwer yashlirimizdin Esqerjan <München chetellikler Mejlisi> ning
mu’awin reyisi bolup saylangdin buyan, hökümet terep bilen bolghan
uchrushush we Türlük Partiye – Gurohlar bilen élip bérilghan söhbetlerde
Uyghurlar mesilisini imkaniyitining bériche anglitishqa tiriship kelmekte.
Sürette: soldin 3 – kishi Esqerjan, 4 – kishi bolsa Amerika bash konsuli
Eric Nelson
|
