Erkin Alptekinning <Uyghur Mukapati> Seperwerliki Heqqidiki Chaqriqiri

Mörtirem Uyghur wetendashlirim,

Uyghurlarning Meniwiy Anisi, Sherqiy Turkistan milliy herikitining rehbiri Rabiye Qadir xanimning 2006 – yilliq nobil tènichliq mukapati namzatliqigha körsitilishi Uyghur dewasining xelq`ara siyasiy sehnisidin orun alghanliqining, Uyghur milliy herikitining xelq´ara jem`iyet teripidin qanunlashturulghanliqining we Uyghur milliy iradisining dunya jamaiti teripidin ètirapqa èrishkenlikining röshen bir delilidur!

Bu tarixiy zor hadisini, bügün démokiratiyeni himaye qilghuchi pütün insaniyet, jümlidin insaniy heq – hoquqliri depsende qiliniwatqan pütün dunyadiki her millet kishiliri tebriklimekte. Bu tarixiy zor hadisining Realliqqa aylinishini, bügün Uyghur millitining
erkinliki, dèmokratiyisi we kishilik heq – hoquqi üchün barliqini teqdim qilghan möhtirem Rabiye Qadir xanim iptixar bilen kütmekte.

Bu tarixiy zor hadisining shan - sheripige, bügün 20 milyondin artuq Sherqiy Turkistan xelqi we barliq Sheriqy Turkistan teshkilatlari ümid bilen telmürmekte. Bu tarixiy zor hadisining deb-debisini pütkül Türk we Islam dunyasi memnuniyet bilen küzetmekte.

Möhtirem Rabiye Qadir xanimning 2006 – yilliq nobil tènichliq mukapati namzatliqigha körsitilishi munasiwèti bilen, adalet dunyasi uning heqqige hörmet we himaye bilen muamile qiliwatqan bir chaghda, millitimizning düshmini bolghan Xitay kommunistliri barliq hile-mikirlirini ishqa sèlip, Rabiye Qadir xanimni bu mukapattin mehrum qaldurushning pütün chare –tedbirlirige bash urmaqta.

Rabiye Qadir xanim bu yil meyli bu makapatqa èrishsun yaki érishmisun, uning 2006 – yilliq nobil tènichliq mukapati namzatliri ichidiki üch muhim shexsning birige aylanghanliqi, bu mukatqa haman mutleq rewishte èrishidighanliqining bishariti we bu sahede ghelibe qilghanliqining delili bolup hèsaplinidu.

Uyghur tarixida wetenperwerlik we jenggiwarliqning ülgisini yaratqan Tomars, Iparxan, Nazugum we bashqa hich bir Qehriman Ayal zatigha nisip bolmighan büyük sherepke muyesser bolghan Möhtirem Rabiye xanimning bu ghelibisidin her bir Uyghur iptixarlinishqa heqliq. Shundaqla, bu büyük shan– sherep igisini himaye qilish, yölesh we uni teqdirlesh, Tomurida Uyghur qèni örkeshlewatqan her bir wetenperwer Uyghurning dinni, wijdaniy, milliy mejburiyiti!

Öz dahisigha ige bolush dimek ___ Öz wetinige Ige bolush, dimektur.
Öz wetinige ige bolush dimek ___ Öz dahisini himaye qilish, dimektur.

Tariximizda yüz bergen èchinishliq pajielerni tekrarlashtin hezer eylesh we achchiq sawaqlardin ders èlish mejburiyitimizni èsimizge alghan chèghimizda, dahilirimizgha ige chiqalmasliqning ejellik aqiwetliri yadimizdin kèchidu.

Bügün Uyghurlarning meniwi Anisi we Uyghur milliy herikitining lideri bolup tonulghan Möhtirem Rabiye Qadir xanimning Tigishlik hörmitini qilish hem uning jasaretlirige küch qoshup, töhpilirini teqdirlesh ___ öz dahisigha ige chiqishning bir addiy misalidur.

Hör dunya Rabiye xanimni „Rafto mukapati“ bilen mukapatlidi, biz Sherqiy Turkistanliqalar chaqaw bilen mukapatlashdin bashqa pidakarliq korsitelmiduq. Amerika yitip kelgende gül desteler bilen yene chawak bilen qarshi alduq, amma bu mörtirem annigha millitimizning azghine soghisi dep bir oyning achquchini teqdim jasaritini korsitelmiduq. Shunche daghdugha bilen qarshi élip, axirda yene menguluk hemriyi Sidik Hajining teyarlap turghan ikki xaniliq makanigha uzutup qoyduq. Mana emdi ette dunya „Nobil Mukapati“ bilen mukapatlash aldida, yene Uyghur quruq chawak bilen mukapatlashqa teyarliq qilimizmu? Yaki Mörtirem animizning hörmiti, millitimizning sheripi uchun nobil mukapatidin burun „Uyghur Mukapati“ bilen mukapatlap, Uyghurluq shan-sheripimizni namayen qilimizmu?

DUQ her bir Sherqiy Turkistanliqni „Uyghur Mukapati“ kampaniyisige bir ülüsh hesse qoshushqa we Rabiye Qadir xanimni Uyghur Milliti namidin mukapatlashqa chaqiridu!

Möhtirem Rabiye Qadir xanimgha atalghan „Uyghur Mukapati“ üchün atighiningizni teqdim qiling. Bu mubarek merikige üchün xalis niyet bilen sérip qilghan bir dollarmu azliq qilmaydu, milyon dollarmu artughluq qilmaydu. Biz her qaysi ellerdiki qèrindashlirimizning xalis Ianiliri arqiliq, Möhtirem Rabiye Qadir xanimni millet namidin mukapatlash seperberligige her bir Uyghurning ishtirak qilishini we bu shereptin hozurlinish pursitidin mehrum qalmasliqini ümid qilimiz.

Bu bir tarixi purset! Bu bir tarixi shan – sherep! Bu her bir Uyghur uchun wijdan sinighi, wapa sinighi!

Eskertsih: „Uyghur Mukapati“ seperberligi 2006-yili 10-ayning 12-künidin 11-ayning 12-künigiche yeni "Jumhuryet küni" giche bir ay dawam qilidu.

 

Hörmet bilen

Erkin Alptekin

Dunya Uyghur Qurultiyi reisi


2006-yili 10-ayning 12-küni