< Xinjiang > digen Isim Peqetla Sherqiy Türkistan Üchünla Qoyulghanmu?

 Köpchilikke melum bolghinidek, Sherqiy Türkistan Manju impiratorluqining tajawuzigha uchrighandin kéyin, 1884 – yili impirator Guang Xüning buyruqi bilen unung nami < Xinjiang > gha özgertilip, Xitayning bir memuri ölkisige aylandurup qoyulghan idi.

Xitay menbelirige körsütülishiche, Sherqiy Türkistanning hazirqi jughrapiyelik dayirisi 1919 – yili Char Rosiyening Altay rayonini Xitaygha qayturup bérishi bilen békitilgen.

< Yéngi chégra >, < yéngi zimin >, < yéngidin qoshuwelinghan zimin > digendek menilerge ige bolghan < Xinjiang > digen bu isim, tüp menisidin alghanda mustemlikichilikke xas bir uqumdin ibaret.

Xitay hökümiti teripidin tüzüp tarqitilghan, < wetenning birlikini qoghdash heqqide qisqiche oqushluq > digen kitapta körsütülishiche, Manju impiratorluqining, yeni Qing sulalisining deslepki mezgilliride, Yün nen, Gui zhou, Si chuanning qismen rayonliri we pütün gherbi diyar < Xinjiang > dep atalghan, impirator Jiaqing mezgilige kelgende < Xinjiang > digen söz peqetla gherbi diyar ( gensu, Qinghai, Ningxia we Sherqiy Türkistan közde tutsa kérek ) gha qarita qollunushqa bashlighan, 1884 – yili, yeni Guangxüning 10 – yiligha kelgende < Xinjiang > digen qalpaq peqetla Sherqiy Türkistanliqlargha xas bir uqumgha aylandurup qoyulghan. Yeni < Xinjiang > digen bu söz, Maju – Xitay impiratorluqining kengeymichilikining we tajawuzchuliqining simowuli.