Germaniyediki Xelqaraliq Teshkilatlar Xitaygha Naraziliq Bildürdi

<Germaniye dolqunliri> radiosining xewer qilishiche, <Xelqara Tibetliklerni hima qilish herikiti Germaniye shöbisi> ning mesulliri yekshenbe küni bayanat élan qilip, Xitay chégra mudapiye qisimlirining Nepalgha qachqan Tibetliklerge oq chiqirip ikki kishini öltürgenlikige qattiq naraziliq bildürdi.

Ular Xitayning bu qilmishini, <Xelqara qanunlargha xilapliq qilip, kishilik hoqoqni éghir derijide depsendi qilghanliq> dep eyiplep, Xelqaraliq kishilik hoqoq teshkilatlirini Xitayning bu gheyri insani qilmishini qattiq eyipleshke chaqirdi. Shunung bilen birge ular yene Birleshken Döwletler teshkilatidin, Nepalgha qéchip kirgen Tibetliklerning bixeterlikige kapaletlik qilishni, ularni Xitaygha qayturup bermeslikni telep qildi.

Köpchilikke melum bolghinidek, ötken ayning axiri Xitay chégra mudapiye qisimliri Nepalgha qarap qachqan bir top Tibetlikni oqqa tutup, ikki kishini öltürgen we bezilirini yarilandurghan idi, ölgenlerning biri Rahibe bolup, qachqan 70 kishidin 43 kishi Nepalgha qéchip kireligen, bularning ichide 10 yashtin kichik balilar we ayallarmu bariken.