|
Germaniye Bash Ministiri Merkel Xanim Xitay Rehberlirining Béshini
Qaturmaqta
 <Germaniye dolqunliri> radiosining xewer qilishiche, Beyjing dayirliri,
Germaniyening <Tömür Ayal> dep atalghan bash ministiri Merkel xanimning
Xitaygha qaratqan yéngi siyasitige qandaq taqabil turushnung chariliri
üstide bash qaturushqa bashlighan.
Mezkur xewerde körsütülishiche, nöwette Beyjing dayirliri, Merkel xanimning
Germaniyege bash ministir bolushi bilen, Berlinning yéngi bir Xitay
siyasitige duch kelgenlikini hés qilishqa bashlighan.
 Germaniyening sabiq bash ministiri Shröder ependi her qétim Xitayni ziyaret
qilghanda, peqetla iqtisadi toxtamlardinla söz éship, mumkin bar Xitay
rehberlirining könglini renjitishtin özini qachurup kelgen bolsa, hazirqi
ayal bash ministir Merkel xanim Xitaygha qarita qilche yüz – xatire
qilmaydighan bir yolni tutushqa bashlighan. Meyli u buyil 5 – ayda Xitayni
ziyaret qilghanda bolsun, yaki 9 – ayda Berlinde Xitayning bash ministiri
Wen Jia Bao bilen körüshkende bolsun, Xitay rehberlirige yüzturane halda
ularning Kishilik hoqoq tajawuzchiliq qilmishlirini tenqit qilghan we
ulardin 2008 – yilidiki olimpik tenherket yighini mezgilide axbarat
erkinlikige kapaletlik qilishni telep qilghan.
Yuqarqi xewerde, ilgiriki <Germaniye Sotsiyal Demokrat Partiyesi> ge mensup
sabiq bash ministir Shröder bilen hazirqi <Germaniye Xiristiyan Demokratik
Birlik Partiyeliri> ge mensup bash ministir Merkel xanimning Xitaygha
qaratqan siyasitining periqliri üstide toxtulup, <Shröder hökümiti Xitayni
Germaniyening eng chong soda baziri we soda shiriki> dep qaraytti, Merkel
xanim bolsa <Xitayni Germaniyening kelgüsi reqibi dep qarimaqta > dep
körsütüldi.
Sabiq bash ministir Shröder bilen hazirqi bash ministir Merkel xanimning
Yawropa birliki teripidin Xitaygha qaritilghan Qoral – yaraq émbargosi
heqqidiki qarashlirimu bir – birige zit bolup, Shröder buxil émbargoni
emeldin qaldurush herikitining bashlamchisi idi, emma Merkel xanim bununggha
qattiq qarshi chiqip kelmekte.
Mezkur xewerde, Germaniyening yéngi bir siyasitige duch kelgen Xitayning,
bununggha taqabil turush chariliri üstide jiddi bash qaturuwatqanliqi bayan
qilindi.
Germaniye, Xitay üchün intayin mohim bir döwlet, chünki u Xitayning
Yawropadiki eng chong soda shiriki, unung üstige Germaniye Yawropa
birlikining parawuzi bolup, Yawropa birlikining herqandaq qararni élishida
Germaniyening tesiri we nopozi intayin küchlük.
|
