|
Yawropa Birliki Bilen Xitay Otturisidiki Soda Talash – Tartishi Kücheydi
 Ötken charshenbe küni Yawropa birliki Xitaydin import qilinghan ayaqlargha
qarita jaza xarektirlik baj élishni qarar qilghan we Xitay terep bu qarargha
qattiq etiraz bildürgen idi, shundin buyan Yawropa birliki bilen Xitay
otturisida bu jehettiki talash – tartish we ixtilap üzlüksiz kücheymekte.
 <Germaniye dolkunliri> radiosining xewer qilishiche, peqetla ötken bir yilda
Xitaydin Yawropa birliki tewesige 1 milyart 250 jüp ayaq yötkep kélingen
bolup, bu, pütün Yawropa ayaq bazirining yérimini teshkil qilidiken,
Xitayning ayaqlirining héli bir qismi normalsiz yollardin yötkep kélingen
bolup, tenerqi intayin töwen bolghini üchün, Yawropaning ayaq
ishlepchiqirish sana’itige jiddi xewip yetküzgen. Unung üstige Xitayning
ayaqliri erzan we süpetsiz bolup, Yawropaliq istimalchilarni köp ziyangha
uchratqan.
 Resmi statiskilarda körsütülishiche, 2001 – yilidin 2005 – yilighiche
Xitaydin Yawropa birlikige kirgen ayaqlarning sani 10 hesse ashqan, peqet
2004 – yilidin 2005 – yilighiche Yawropa birliki teripidin Xitaydin import
qilinghan ayaqlarning éshish nisbiti 450 pirsent bolghan, buxil normalsizliq,
Yawropa birlikige eza döwletlerdiki köpligen ayaq zawutlirining weyran
bolushini keltürüp chiqarghan. Buinggha asasen Yawropa parlamenti jiddi
qarar chiqirip, Xitayning ayaqlirigha qarita jaza xarektirlik yuquri baj
tüzümini békitip chiqqan idi.
|
