Sherqiy Türkistandiki Déhqan – Charwichilarning Yilliq Sap Kirimi 1000 Yuan Etrapida

Gerche Xitay hökümet tarmaqliri Sherqiy Türkistandiki déhqan – charwichilarning yilliq kirimi heqqide éniq bir melumat bérishtin özini qachurup kelgen bolsimu, emma Xitay metbuatlirida élan qilinghan bezi xewerlerdin, nöwette Sherqiy Türkistandiki déhqan – charwichilarning kishi béshigha toghra kélidighan yilliq sap kirimining aran 1000 yuan etrapida ikenliki melum bolmaqta.

Mesilen, hökümetning bashqurushidiki <Tianshan Tori> da 10 – ayning 5 – küni élan qilinghan bir xewerde körsütülishiche, Sherqiy Türkistanda déhqan – Charwichilarning peqetla baghwenchiliktin yilda qilidighan sap kirimi 345 yuan bolup, bu, ularning yilliq sap kirimining 30 pirsentidin köpirekini igelleydiken. Bu sanliq melumattin shu xulasini chiqirish mumkinki, déhqan – charwichilarning yilliq sap kirimi aran ming yuan etrapida.

Bir bashqa xewerde, <paxta térish> digen namda Sherqiy Türkistangha éqip kirgen Xitaylarning 50 künde qilidighan sap kirimining 2000 yuandin ashidighanliqi bayan qilinghan idi.