Sherqiy Türkistangha Kirgen < Paxtichi > Xitaylarning Sani Bir Milyondin Èship Ketti

<Xihenze hökümet tori> da élan qilinghan bir xewerde körsütülishiche, buyil <paxta térish> digen namda Sherqiy Türkistangha éqip kirgen Xitaylarning omomi sani 1 milyon 300 ming kishidin éship ketken.

Mezkur xewerde körsütülishiche, Sherqiy Türkistanning sherqiy rayonlirida paxta yighiwélish mewsümi 60 kün etrapida, jenobi rayonlarda bolsa 100 kün etirapida bolup, Xitayning ichki ölkiliridin kelgen paxtichi Xitaylarning 50 ish künide tapidighan puli 2000 yuandin ashidiken.

Buyil Sherqiy Türkistanda kiwez térilghu kölümi 18 milyon modin köpirek bolup, pütün Xitay boyiche térilghan kiwez kölümining 3 ten 1 qismini teshkil qilidiken, Bingtuanning kiwez térilghu kölümi 7 milyon modin köpirek bolup, Xitayning ichki ölkiliridin éqip kirgen paxtichi Xitaylarning hemmisi Bingtuanlerde ishleydiken.

Bingtuanning rehberlik tarmaqliri ichki ölkilerdin kelgen paxtichi Xitaylargha qarita mukapatlash tüzümlirini békitip chiqqan bolup, paxtini köp tergenlerge heqsiz halda ayrupilan we poyez biletliri élip béridiken.

Mölcherlerge qarighanda buyil Sherqiy Türkistanda paxta ishlepchiqirish miqdari ikki milyon tonnigha yétip, pütün xitayning paxta mehsulat miqdarining 30 nechche pirsentini teshkil qilidiken.