Chetellik 50 Nechche Alim Hu Jin Taogha Qarita Ochuq Xet Élan Qildi

< Germaniye dolqunliri > radiosining xewer qilishiche, 9 – ayning 29 – küni 50 nechche neper chet'ellik Alim we Xitay ishliri mutexesisi birlikte Xitayning döwlet reyisi Hu Jin Taogha qarita ochuq xet élan qilip, yéqinqi yillardin buyan Xitay dayirlirining kishilik hoqoqni qoghdighuchi zatlargha we ularning ayile – tawabatlirigha qarita öch élish, ziyankeshlik qilish, tutqun qilish we sulash heriketlirining éship bériwatqanliqidin qattiq endishe tuyghanliqlirini bildürüsh bilen birge, Xitay rehberliridin puxralarning heq – hoqoqlirigha kapaletlik qilishni telep qilghan.

Yuqarqi naraziliq mektubigha ortaq imza atqan 50 nechche kishi Amerika, Yawropa we Awustiraliyelik alimlar bolup,bularning ichide dunyagha tonulghan meshhur zatlarmu az emes iken.

Xewerde körsütülishiche, hazirgha qeder chet'ellik alim we mutexesisler Xitayning kishilik hoqoq mesiliside ashkare pozitsiye bildürüshtin özini qachurup kelgen bolup, ular Xitayda tetqiqat elip berish jeryanida hökümetning öch elishidin we aware qilishidin ensirigen, shunga bu qetim Dunyagha tonulghan Alimlarning ortaq halda naraziliq mektubi elan qilghanliqining ehmiyiti intayin zor ikin.

Bu naraziliq mektubigha imza atqan Alimlardin Amerikiliq Limpiry ependi mundaq dep körsetken: < méning Xitaydin qorqushum yoq, chünki men 10 yildin buyan Xitayning qara tizimlikide, Xitayning öch elishidinmu endishem yoq ! >.