|
Xitay Bash Ministiri Wenjiabao, Sherqiy Türkistangha Éqip Kiriwatqan
Xitaylargha Medet Berdi
< Chung Qing geziti > ning 10 – ayning 2 – küni xewer qilishiche, Xitayning
bash ministiri Wenjiabao shu küni Xitayning Chung Qing shehrige kélip,
apetke uchrighan déhqanlardin hal sorighan.
Ziyaret jeryanida Wenjiabao, apetke uchrighan dehqanlarning Sherqiy
Türkistangha bérip paxta terishqa qatniship, ikki ay ichide her bir
kishining 2000 yuandin artuq kirim qilghanliqini anglap intayin xoshal
bolghan halda, < bu, apaetke qarshi turup özini qutquzushnung nahayiti
yaxshi charisi iken, bu arqiliq hem Xinjianggha yardem bergili bolidu, hem
yaxshi pul tapqili bolidu > dep körsetken.
Xewerde bayan qilinishiche, Chong Qing shehrining bezi rayonliri apetke
uchrighandin kéyin, Sheherlik hökümet bilen Sherqiy Türkistandiki Bingtuan
otturisida < Xinjianggha ishchi yötkep ishlitish toxtimi > imzalinip, ilgiri
– kéyin bolup Chong Qingdin Sherqiy Türkistangha ikki ay ichide 100 mingdin
artuq Xitay yötkep kirilgen. Xitayning bashqa rayonliridin yötkep
kelingenlerni qoshqanda, peqet 8 – ayning otturliridin buyan < paxta terish
> digen namda Sherqiy Türkistangha eqip kirgen Xitaylarning sani bir
milyongha yetip baridu.
Bingtuanning öz beshimchiliq bilen bundaq keng kölemde xitay yötkishi,
Sherqiy Türkistandiki qorchaq hökümetning rehberlik qatlimidimu talash –
tartish peyda qilghan idi, chünki < paxta terish > digen namda kelgen bu
Xitaylarning ayliq kirimi yerlik Uyghur déhqanlarning bir yilliq kirimigha
toghra kelidu.
|
