|
Korma Neshpiti Amerikida
<Tianshan Tori> ning xewer qilishiche, Amerika bilen Xitay otturisida
imzalanghan toxtamnamigha asasen, 9 – ayning 28 – küni tunji türkümdiki 58
tonnidin artuq Korla neshpiti Sherqiy Türkistandin Amerikigha ékisport
qilinghan. Bu, Korla neshpitining tunji qétim Amerika bazarlirigha kirishi
bolup hisaplinidiken.
Pilangha asasen her hepte Amerikigha 100 tonna Korla neshpiti ékisport
qilinidiken.
Xitay bilen Amerika otturisida Korla neshpitini Amerika bazarlirigha
kirgüzüsh söhbiti 13 yil dawam qilghan bolup, 2005 – yili 12 – ayning 16 –
küni Xitay süpet tekshürüsh idarisi bilen Amerika yéza igilik ministirliki
otturisida süpet tekshürüsh lahiyesi tüzüp chiqilghan, 2006 – yili 4 –
ayning 11 – küni bu lahiye resmi maqullunup, 8 – ayning 11 – künidin 14 –
künigiche Amerika süpet tekshürüsh mutexesisliri Korlida neqmeydanda Korla
neshpitige qarita süpet tekshürüsh élip barghan we tekshürüsh arqiliq 9 –
ayning 20 – küni Korla neshpitining Amerikigha resmi ékisport qilinishigha
qoshulghan.
Bezi Uyghur mutexesislirining bayan qilishiche, Korla neshpitining Amerika
bazarlirigha kirishining shunche kéchikishi we muzakirilerning shunche uzap
kétishining tüp sewebi, Xitayning Sherqiy Türkistanda élip bériwatqan atom
sinaqliridin ibaret. Unung üstige Korla atom sinaq qilish merkizi
hisaplanghan lopnurgha yéqin bolup, Amerikiliq mutexesisler Korla
neshpitining radi’aktip nurning tesirige uchrash derijisidin qattiq endishe
qilghan.
|
