Xitay Hökümitining Yürigi Pok – Pok

Sherqiy Türkistanda Xitay hakimiyitige qarshi milliy musteqilliq heriketlirining üzlüksiz küchüyishi, Xitay saqchi dayirlirini qattiq wehimige salmaqta.

Xitay hökümiti birqanche yildin buyan < jemiyet amanliqini omomlashturup tüzesh > herikiti qozghap, Sherqiy Türkistan miqyasida < qoral yaraq we partilatquch buyumlarni bir tutash bashqurush > digen namda yerlik owchilarning qoral – yaraqlirini we yerliklerge tewe kichik tiptiki kanlarning partilatquch eslihelirini yighiwélishqa bashlighan idi. Nöwette Sherqiy Türkistanda yerlik owchilar hetta ow owlashqa oqyamu tapalmaydighan halgha chüshüp qalghan.

< Tianshan Tori > da élan qilinghan bir xewerde körsütülishiche, Sherqiy Türkistandiki saqchi tarmaqliri 9 – ayning 28 – küni murasim ötküzüp, shexsilerdin yighiwalghan qoral – yaraqlarni we hetta pichaqlarnimu qoshup köydürüp éritiwetken. Bunung ichide her xil tiptiki miltiq we tapancha 2803 tane, yel miltiq we yerlik ow miltiqliri 2949 tane bolup jemi 5752 tane qoral iken.

Yuqarqi qorallar buyil 6 – aydin buyan élip bérilghan atalmish <omomlashturup tüzesh> herikiti jeryanida yighiwelinghan iken.

Wetendin kelgen xewerlerde, Xitay hakimiyitining qoral – yaraq yighiwelish herikitining peqetla yerlikler ichide élip bérilghanliqi, Xitaylarning oyliride saqliniwatqan qoral – yaraqlarning qilche sürüshte qilinmighanliqi inkas qilinmaqta.