Bundin Kéyin Shiwitsariyede Siyasi Panahliq Tiligüchilerning Küni Tes

Shiwitsariye hökümitining, siyasi panahliq tiligüchilerge we chetelliklerge qaratqan bashqurushni yenimu kücheytish meqsidide tüzüp chiqqan yéngi qanun lahiyesi, omomi xelqning rayini sinastin ötti. Shiwitsariye puxralirining 68 pirsenti bu qanunni qollap awaz berdi.

Shiwitsariyediki bezi öktichi küchler, < hökümetning bu qanun lahiyesi kishilik hoqoqqa qilinghan tajawuzchuluq > dep eyipleshmekte.

Eger bu qanun ijra qilinsa, bundin keyin shiwitsariyede yashawatqan chetelliklerning, bolupmu siyasi panahliq tiligüchilerning küni teximu teslishidu. Mesilen, siyasi panahliq tilesh üchün qoyulidighan shertler téximu éghirlashturulidu, sot mehkimilirining siyasi panahliq tiligüchilerning teliwini ret qilishi qolaylashturulidu, teliwi ret qilinghanlargha berilidighan parawanliq yardemliri azaytilidu yaki kesip qoyulidu, ularni öz döwletlirige qayturush tezleshtürilidu, siyasi panahliq teliwi ret qilinghanlarning, panahliq tilesh lagirlirida 18 aydin artuq turushigha yol qoyulmaydu …

Shiwitsariye, Firansizlar rayoni we germanlar rayoni dep ikki chong bölekke bölüngen bolup, Firansizlar rayonidiki puxralarning peqet 50 nechche pirsentila Hökümetning yuqarqi yengi qanunini qollap awaz bergen bolsa, germanlar rayonidiki puxralarning 78 pirsenti Hökümetni qollap awaz bergen.

Nöwette Shiwitsariyede siyasi panahliq tilep turiwatqan uyghurlarning sani 50 etrapida bolup, köpünchisining siyasi panahliq teliwi qobul qilinghan, ular Shiwitsariyening hem Firansizlar, hem germanlar rayonigha olturaqlashqan. Nawada hökümetning yengi siyasi panahliq qanuni ijragha qoyulup qalsa, siyasi panahliq teliwi ret qilinghan yaki texiche jawapqa érishelmigen Uyghurlar üchün yengi qiyinchiliqlar tughulishi mumkin.