Uyghur Ottura – Bashlanghuch Mektep Oqughuchiliri Hazirghiche Paxta Térish Bilen Meshghul

Xitay hökümiti Sherqiy Türkistanda uzun yillardin buyan bashlanghuch we ottura mektep oqughuchilirigha qarita mejburi emgek küni békitip, ularni mejburi halda éghir jismani emgeklerge sélip kelmekte, Xitay hökümitining bu qilmishi, mekteplerning oqutush pilanining qalaymiqanlishishigha we oqughuchilarning kespiy sewiyesining töwenlep kétishige sewepchi bolmaqta. Gerche ata – anilar hökümet tarmaqlirigha bu heqte qattiq naraziliq bildürüp kéliwatqan bolsimu, emma hökümet tarmaqliri bu siyasitini toxtatqini yoq.

< Tianshan Tori > ning xewer qilishiche, paxta yighiwelish mewsimi yétip kélishi bilen charqiliq nahiyilik maarip tarmaqliri ottura mektep oqughuchilirini mejburi paxta térish ishigha seperwer qilishqa bashlighan we her küni mingdin artuq ottura mektep oqughuchisi étizlarda paxta térish bilen meshghul bolghan.

Wetendin kelgen xewerlerde körsütülishiche, paxta térish pesli yétip kelgendin buyan, Sherqiy Türkistanning yéza – qishlaqliridiki Uyghur ottura – bashlanghuch mektep oqughuchilirining köpünchisi étizlargha héydep kétilgechke, mektepler chölderep qalidighan weziyet shekillengen.

Töwendiki sürette: charqiliq nahiyesidiki toluqsiz birinchi sinip oqughuchisi Turagül Abdurosul étizda paxta termekte.