Hotende Déhqanlarning Yilliq Kirimi Aran 1337 Yuan

< Xinjiang iqtisat géziti > ning 9 – ayning 26 – küni xewer qilishiche, Hoten wilayetlik partikomning sékritari Zhu Hai Lun mezkur gézitning muxpirigha qilghan sözide, Hotende < muqimliq > xizmitini yaxshi tutqini üchün, wilayetning iqtisadi uchqandek tereqqi qilip, déhqanlarning kishi béshigha toghra kélidighan yilliq sap kirimining 1337 yuange yetkenlikini bayan qilghan.

Külkilik yéri shuki, Zhu Hai Lun teripidin élan qilinghan bu reqem Xitay boyiche eng töwen reqem bolup, hetta < paxta térish > digen namda Sherqiy Türkistangha éqip kiriwatqan Xitaylarning ayliq ish heqqi 1000 yuandin töwen emes. Bingtuandiki eng namrat xitaylarning yilliq sap kirimimu 5000 – 6000 yuandin ashidu, shunga Hoten wilayetlik partikomning sékritarining bu 1337 yuanlik kirimni < alahide netije > qilip körsetkenliki, bir tereptin Xitay kommunistik hakimiyitining nomussizliqini körsetse, yene bir tereptin, Uyghur déhqanlirining nöwettiki échinishliq weziyitini namayen qilip turmaqta.
Zhu Hai Lun yene muxpirgha qilghan sözide, bundin kéyin Hoten wilayitide nuxtuluq halda < 3 xil küchler > ge we < 4 xil unsurlar > gha zerbe bérish herikitini qanat yayduridighanliqini, muqimliq xizmitini alahide ching tutidighanliqini, bu arqiliq, < milliy bölgünchi unsurlar > ni bash kötergen haman yoqutushni ishqa ashuridighanliqini bayan qilghan.