Xitayning Eng Asasliq 30 Nechche Axbarat Wastisining Muxpirliri Sherqiy Türkistangha Yétip Keldi
 

Xitayning döwlet réyisi Hu Jin Taoning bu qétim Sherqiy Türkistangha qilghan yoshurun ziyaritidin kéyin, hökümet tarmaqliri meqsetlik halda, < Xinjiangning weziyiti muqim, igiliki uchqandek tereqqi qilghan > digen temida keng – kölemlik teshwiqat élip berishqa bashlidi.

Yéqinda qorchaq réyis Ismayil Tiliwaldi, chetellerning Shang Gangda turushluq konsulxanilirining wekillirini qobul qilghandimu nuxtuluq halda yuqarqi pikirni teshwiq qilghan idi.

< Tian Shan Tori > ning 9 – ayning 22 – küni xewer qilishiche, < aptonom Rayonluq partikom teshwiqat bölümi > ning tekliwige asasen, Xitaydiki eng asasliq 30 nechche axbarat wastisining 50 nechche muxpiri shu küni kechte Sherqiy Türkistangha yétip kelgen.

Bu muxpirlar Hökümet tarmaqlirining orunlashturushigha asasen, 9 – ayning 23 – künidin 28 – künigiche ikki guruppigha bölünüp Sherqiy Türkistanning shimali we jenobi rayonlirini ziyeret qilidiken, ziyaretning asasliq témisi, < Xinjiangning weziyiti muqim bolush, igiliki tereqqi qilishtek chong yaxshi weziyiti > ni namayen qilish iken.
Birqanche yildin buyan atalmish < milliy bölgünchiler > ning Sherqiy Türkistanning muqimliqigha jiddi xewip keltüriwatqanliqi heqqide Xelqara siyasi sehnilerde toxtimay shikayet qilip kelgen Xitay hakimiyitining, nime üchün turupla del bunung eksiche bir teshwiqat herikitini yolgha qoyushqa bashlighanliq, chetellik siyasi küzetküchilerning kallisida türlük soal isharetlirini peyda qilmaqta.