Rabiye Xanimning Kofi Annan Bilen Körüshkenliki Munasiwiti Bilen

Héch shübhisizki, Rabiye Qadir xanim Xitayning zindanidin qurtulup erkin dunyagha ayaq basqandin buyan, chetellerde élip bériliwatqan Sherqiy Türkistan milliy herikitimiz yep – yengi bir basquchqa qedem tashlidi, milliy herikitimizning Xelqara siyasi sehnilerdiki tesiri we nopozimu üzlüksiz éship bardi.

Peqetla Rabiye xanimning nobél tenichliq mukapatigha namzat körsütülishi we yene unung BDT bash katibi Kofi Annan bilen körüshkenlikidin ibaret mushu ikki hadisila, Rabiye Qadir xanimining milliy herikitimiz üchün neqeder qimmetlik, neqeder mohim we neqeder zörür bir shexis ikenlikini munazire telep qilmaydighan halda éniq sherhiylep turmaqta, shunung üchünmu Uyghur xelqi Janabi allahning Rabiye xanim arqiliq bizge ata qilghan bu pursetni ghenimet bilip, milliy menpe’etlirimizni hemmining üstige qoyup, herqandaq talash – tartish we ixtilaplarni bir chetke qayrip qoyup, Rabiye xanimni merkez qilghan halda bir niyet, bir meqsette küresh qilishimiz lazim.

Rabiye xanimning Kofi Annan bilen körüshkenliki, hergizmu sel qarighili bolmaydighan tarixiy bir hadise, bu körüshüsh, milyonlighan xelqimizge yengi ümit, ishench we jasaret ata qilidu, bu munasiwet bilen men < Sherqiy Türkistan Informatsiyon Merkizi > diki barliq xadimlargha wakaliten Rabiye xedimizni yürektin tebrikleymen we ununggha yengi muwapiqiyetler tileymen !

Abdujélil Qaraqash

< Sherqiy Türkistan Informatsiyon Merkizi > ning pirezidenti