Rabiye Qadir Hanim B D T Bash Katipi Kofi Annan Bilen Körüshti

2006.09.19 RFA

Uyghur kishilik hoquq yitekchisi we nobil tinchliq mukapati namzati Rabiye Qadir xanim, düshenbe küni Newyorkta B D T bash katipi Kofi Annan bilen körüshti. Lékin u, Kofi Annan bilen ötküzgen söhbitining tepsiliy mezmuni üstide toxtilishni ret qildi.

Rabiye Qadir xanim Kofi Annan bilen birleshken döletler heptiliki munasiwiti bilen B D T ning Newyorkta bash shtabida ötküzülgen xelqara yighingha qatnishish jeryanida uchrashqan. Bu yighin seyshenbe küni bashlinidighan B D T omumi qurultiyidin bir kün awwal ötküzülgen idi.

Rabiye Qadir xanim bu yilqi nobil tinchliq mukapatining eng küchlük namzatliridin biri, dep qaralmaqta. Xitay hökümiti Rabiye Qadirni nobil mukapatigha namzatliqqa körsetken zatlarni tenqidligen we Rabiye Qadir xanimgha " térorchilarbilen alaqsi bar," dep hujum qilghan idi. Rabiye Qadir, B D T qurulghandin béri B D T bash katipi bilen körüshken tunji Uyghur rehbiri bolup hésablinidu. (Erkin)