Sherqiy Türkistanda Poyezlargha Tash Ètish, Rélislargha Tosaq Qoyush Hadisiliri Köpeymekte

< Xinjiang qanunchiliq géziti > ning 9 – ayning 18 – küni xewer qilishiche, Sherqiy Türkistanda ichkiridin kelgen poyézlarning dérizilirige tash étish, rélislargha tosaq quyup qéchip kétish hadisiliri köpüyüshke bashlighan.

Peqet 8 – ayning 4 – künidin 9 – ayning 12 – künige bolghan qisqighina mezgil ichide, Ürümchidin, pichanghiche bolghan tömüryol léniyeside yuqarqidek weqelerdin 10 nechchisi yüz bérip, poyézdiki ikki kishini yarilandurghan.

9 – ayning 12 – küni kech 20.30 etrapida, Ürümchidin korligha kétiwatqan bir yolochilar poyézining dérizisige birsi tash étip qéchip ketken, netijide poyézning dérizisi chéqilip, bir yolochi béshidin yarilanghan.

Undin birkün burunmu Ürümchidin Dung Huanggha qarap kétiwatqan bir poyézgha yene birsi tash étip qéchip kétken bolup, étilghan tash dérizidin kirip bir ayqal yolochining béshini zexmilendürgen.

Saqchilar tekshürüsh élip bérish arqiliq, poyézgha tash atquchilarning biri12 yash, yene biri 13 yashliq balilar ikenlikini éniqlap chiqqan, emma bu xewerde, qolgha chüshken balilarning milliti heqqide izahat bérilmigen.

Tömüryollarda köpeygen yuqarqidek weqelerning aldini élish üchün, 9 – ayning 17 – küni Ürümchi tömüryol idarisi Saqchi bashqarmisi, < Xinjiangda bixeter tömüryol léniyesini ortaq berpa qilayli > digen sho’ar astida mexsus kampaniye bashlitip, tömüryollargha qaratqan bixeterlik tedbirlirini kücheytishke bashlighan.