|
Xitay Rahipliri Sherqiy Türkistanning Yalqun Téghida
Turpandiki Yalquntagh, Xitay ichide intayin meshhur, hetta xéli köp Xitaylar
Yalquntaghni Budda babidiki muqeddes jaylarning biri dep qaraydu, sewebi
shuki, Xitaylarning eng meshhur kilassik eserliridin biri bolghan < Gheripke
sayahet > namliq kitapta Turpandiki Yalquntaqqa alahide yer bérilgen bolup,
hetta Xitayda bu heqte ishlengen köp qisimliq tiliwiziye tiyatiri < Gheripke
sayahet > namliq filimining bir qismi mexsusla Yalquntaghda yüzbergen
weqeghe ayit. Bu tiliwiziye filimi tarqitilghandin kéyin, bir qisim
Uyghurlar bu filimge naraziliq bildürgen idi, chünki bu filimde Turpanning
yerlik xelqi jin – shayatun qilip körsütülgen, < Gheripke sayahet > namliq
eserdimu shundaq dep teswirlengen idi.
< Gheripke sayahet > filimi ishlengendin kéyin, Yalquntagh Xitayning
rahiplirining pat – pat ziyaret qilidighan makanliridin birige aylandi, bu
hal yerlik xelq ichide rahetsizlik peyda qilmaqta.
< Tianshan Tori > ning xewer qilishiche, yéqinda Xitay rahipliri < Gheripke
qaytidin sayahet qilish > digen namde mexsus sayahet purogrammisi tüzüp
chiqip, < Gheripke sayahet > namliq eserde teshwirlengen bash rahip Tang
Singning gheripke qilghan sayahitini teqlit qilip, Tang Sing mangghan léniye
boyiche piyade yürüsh qilghan.
7 – ayning 20 – küni Xi’an shehridin yolgha chiqqan Xitay rahipliri, 4 ay
yol yürüp, 11 – ayning 20 – küni Hindistanning Naranta butxanisigha yétip
baridiken.
Xi’andin yolgha chiqqan bu rahiplar Turpanning Yalquntagh yézisigha yétip,
yerliklerni ziyaret qilghandin kéyin, dawamliq türde gheripke qarap yürüp
ketken.
Bir Uyghur diniy zatning bir mehellidin bashqa bir mehellige bérip diniy
paaliyet qilishigha yol qoymay kelgen Xitay hökümitining, Hitay
rahiplirining bu qétimqi diniy sayahitige nime meqsette ruxset qilghanliqi
kishini chongqur oygha salidu.
|
