Ning Xialiq Xitaylarmu Sherqiy Türkistangha Yürüsh Qilishqa Bashlidi

Buyil 8 – ay kirgendin buyan, Xitayning ichki ölkiliridin nechche 100 ming Xitay < paxta térish > digen namda Sherqiy Türkistangha éqip kirishke bashlighan, bularning mutleq köp qismi Cheng Du shehrining apetke uchrighan rayonliridin teshkillik halda yötkep kélingen Xitaylar idi.

< Tian Shan Tori > ning xewer qilishiche, emdilikte Ning Xia ölkilik hökümetmu Sherqiy Türkistandiki Bingtuan bilen biwaster alaqe ornutup, < paxta térish > digen namda Ning Xianing namrat rayonliridin Sherqiy Türkistangha keng kölemde Xitay yötkeshke bashlighan.

Xewerde körsütülishiche, paxta yighiwélish mewsümi yétip kirgendin buyan, Ning Xia ölkisidin 15 ming Xitay Sherqiy Türkistangha kélip bolghan, qisqa waqit ichide bu san 30 mingdin éship kétidiken.

Peqet Ning Xia ölkisining Long De nahiyisidinla Sherqiy Türkistangha < paxta térish > namida kirgenlerning sani 10 ming bolup, Long De nahiyilik partikomning muawin sekritarining bayan qilishiche, bu nahiyedin barghan Xitaylarning ikki ayda Sherqiy Türkistandin tapidighan pulining omomiy miqdari 20 milyon yuan bolup, bu nahiyening pütün yilliq maliye kirimi bolghan 16 milyon yuandinmu éship kétidiken.

Ning Xia ölkisi adettiki déhqanlarni Sherqiy Türkistangha bérishqa seperwer qilghandin sirt yene pénsiyege chiqqan yaki ish ornidin qaldurulghan xitaylarnimu Sherqiy Türkistangha bérip pul tépishqa heydekchilik qilishqa bashlighan.

Xitay hakimiyitining < paxta térish > digen namda Sherqiy Türkistangha keng kölemde Xitay yötkeshke bashlighanliqi, weten ichi we sirtidiki uyghurlar arisida qattiq naraziliq we endishe peyda qilmaqta.