Hu Jin Tao Qorghas Éghizida

Xitay dayirliri bixeterlikni közde tutup, Hu Jin Taoning 9 – ayning 6 – künidin 11 – künigiche Sherqiy Türkistangha qilghan ziyaritini mexpiy tutqan we bu heqtiki xewerlerni Hu Jin Tao ziyaritini axirlashturup qaytip ketkendin kéyin andin bir – birlep xewer qilishqa bashlighan idi.

< Tian Shan tori > ning xewer qilishiche, Hu Jin Tao 9 – ayning 9 – küni Qorghas chégra éghizigha kélip, chégra éghizini qoghdawatqan eskerlerdin hal sorighan. < Aptonom rayon > rehberliridin Wang Le Chuan, Ismayil Tiliwaldi qatarliqlar ununggha hemra bolup birge barghan.

Hun Jin Tao chégra éghizidiki xitay eskerliridin bir – birlep hal – xatire sorap, ulardin döwletning derwazisini baqidighan < yaxshi qaranchuq > bolushni telep qilghan.

Xewerde körsütülishiche, Hu Jin Tao ziyaret qilghan bu herbi qisim mexsusla chégradin kirip – chiqidighanlarni konturol qilidighan bir bataliyon bolup, atalmish < milliy bölgünchiler > ge zerbe bérishte alahide xizmet körsetkini üchün, 2004 – yili Lan Zhou herbi rayoni teripidin < döwlet chégrisini qoghdashtiki némunichi bataliyon > dep nam bérilgen.

Bezi siyasi küzetküchiler, < Hu Jin Taoning alahide Qorghas éghizigha barghanliqi, bundin kéyin bu éghizdin kirip – chiqidighanlarni konturol qilish we nazaret qilishning téximu kücheytilidighanliqidin direk béridu > dep qarashmaqta.