|
Sherqiy Türkistanda < Zhunghuani Söyüsh Qosh Tilliq Musabiqisi >
Ötküzüldi
Yéqinqi yillardin buyan Sherqiy Türkistanda Uyghurlargha qarita yürgüzüp
kéliniwatqan atalmish < qosh tilliq oqutush >, Xitay hakimiyitining
Uyghurlarning milliy ma’aripini xitaylashturush üchün yolida basqan mohim
qedemlirining biri bolup, Xitay dayirliri bu atsimilatsiye siyasitini, <
azsanliq milletlerning pen – mediniyet sewiyesini yuquri kötürüsh > digen
söz bilen pedezlep kelgen idi. Bu siyaset yolgha qoyulghandin buyan, sherqiy
Türkistanda pütün uyghur oqutquchi – oqughuchilar peqet xitay tili ögünüsh
bilenla bolup kétip, késip ögünüshni bir chetke qayrip qoyghan, bunung bilen
Uyghur mektepliride kespiy jehettin omomiy yüzlük keynige chékinish hadisisi
körülgen idi.
Xitay hakimiyiti Uyghurlarning küchlük naraziliqlirigha qarimay bu
siyasitini jahilliq bilen yolgha qoyup kélmekte.
< Tianshan tori > ning 9 – ayning 15 – küni xewer qilishiche, shu küni, <
aptonom rayonluq partikom > ning teliwige asasen Ürümchide, < tunji nöwetlik
azsanliq milletlerning Zhunghuani söyüsh qosh tilliq musabiqisi > ötküzülgen.
< Qosh tilliq ma’arip > digen bu uqumgha, < Zhunghuani söyüsh > digen
sözning kirshtürülgenliki, Xitay hakimiyitining atalmish < qosh tilliq
ma’arip > ni nime meqsette yolgha qoyghanliqini ochuqche körsütüp turmaqta.
Bu xewerde körsütülishiche, musabiqe hérqaysi nahiyilerdimu qanat
yaydurulidiken.
Xitay hökümiti bu qétimqi musabiqini ötküzüshtiki meqsidini, <
hökümitimizning azsanliq milletlerning milliy ma’arip süpitini, nopos
jehettiki sapasini östürüsh üchün basqan zor ehmiyetke ige herikiti > dep
izahlighan.
|
