Ismayil Tiliwaldining Chet'ellik Konsullargha Éytishiche, Sherqiy Türkistanning Siyasi Weziyiti Muqimmish!

Chekidin ashqan ikkiyüzlimichilik we siyasi saxtipezlik, Xitay dayirlirining en – eniwiy adetliridin ibaret.

Téxi yéqindila Xitayning döwlet réyisi Hu Jin Tao Sherqiy Türkistanni ziyaret qilghanda, Xitay hakimiyiti bixeterlikni közde tutup unung ziyaritini axbarat wastiliridin yoshurghan, hetta < Xinhua axbarat agentliqi > mu Hu Jin Taoning ziyaritidin 5 kün keyin andin unung bu qetimqi ziyariti heqqide xewer bergen idi, bu hadisila Sherqiy Türkistanning siyasi weziyitining jiddilikini körsütüp bergen idi.

Undin bashqa xitay metbu’atlirida, Xitay saqchi dayirlirining, < paxta yighiwélish > digen namda Sherqiy Türkistangha éqip kiriwatqan Xitay köchmenlirining bixeterlikige kapaletlik qilish üchün, éniqaraq qilip éytqanda < Milliy bölgünchiler > ning ulargha ziyankeshlik qilip qoyushining aldini élish üchün, poyéz istansisiliridiki saqchilarning sanini köpeytkenliki we bixeterlik tedbirlirini alahide kücheytkenliki xewer qilinghan idi.

Emma, atalmish < aptonom rayon > ning reyisi Ismayil Tiliwaldi tünögün kechte ( 9 – ayning 14 – küni ), chetellerning Shang Gangda turushluq konsulxanilirining wekillirini qobul qilghanda, < nöwette Xinjiangda ijtimayi muqumluq chong yaxshi bolushtek weziyet mewjut > dep körsetken we ulardin, özliri turushluq döwletlerdiki chong karxanilarni Sherqiy Türkistangha kelip meblegh sélishqa qiziqturushni telep qilghan.