Bingtuan, Paxta Terish Namida Kelgen Xitay Aqqunlirining Menggü Olturaqliship Qélishi Üchün Sharayit Hazirlap Bermekte

Köpchilikke melum bolghinidek, yéqinqi bir – ikki aydin buyan Xitayning ichkiri ölkiliridin < paxta terish ishchiliri > digen namda nechche 100 ming Xitay Sherqiy Türkistangha éqip kirishke bashlighan idi.

< Xitay yashliri geziti > ning 9 – ayning 14 – küni xewer qilishiche, her yili Sherqiy Türkistangha < paxta terish > digen namda kiridighan Xitay köchmenlirining sani 500 minggha yétip baridiken.

Bezi xewerlerde körsütülishiche, Sherqiy Türkistandiki Bingtuan teripidin pilanliq we teshkillik halda yötkep kéliniwatqan bu atalmish < paxta tergüchiler >, Bingtuanning herqaysi dewiziyélirige teqsim qilinghandin keyin, Bingtuan mexsus meblegh ajritip, bu xitay köchmenliri üchün olturaq öy, dawalinish orunliri, ashxana we türlük turmush eslihelirini qurup chiqip, ularni azade, rahet mohitqa ige qilish bilen birge yene, ayda ulargha 1000 yuan ish heqqi berip, bu xitay aqqunlirining dawamliq türde sherqiy türkistangha yerliship qélishini üchün idiyewi xizmet ishleshke bashlighan.

Ikki ay ichide Sherqiy Türkistangha éqip kirgen 500 ming Xitay aqqunining ichide 100 mingdin köpireki Chung Qing rayonidin kelgen bolup, bu xitay aqqunlirining poyez bilitini pütünley Bingtuan pul chiqirip élip bergen.