|
Hokümetning Bashlanghuch We Ottura Mektep Oqughuchilirini Mejburi Paxta
Térishqa Sélishi, Ata – Anilarning Qattiq Naraziliqini Qozghidi
<Oqughuchichilarni mejburi emgekke sélish, kommunist xitay hakimiyitining
en – eniwi adetlirining biri, hetta ular bashlanghuch mektep
oqughuchilirinimu bosh qoyuwetkini yoq.
Buyil kirgendin buyanmu Sherqiy Türkistandiki hökümet tarmaqliri
bashlanghuch mektep oqughuchilirigha 7 kün, toluqsiz ottura mektep
oqughuchilirigha 14 kün, toluq ottura mektep oqughuchiliri üchün eng az 20
kün mejburi emgek qilish tüzümini bekitip chiqip, ularni yeza – qishlaqlarda
eghir jismani emgeklerge sélip kelmekte.
< Tianshan Tori > ning xewer qilishiche, peqet Sanji shehridiki 20 minggha
yeqin ottura – bashlanghuch mektep oqughuchisi yuqurida bekitilgen mejburi
emgek küni tüzümi boyiche paxta we piwa güli térish ishigha seperwer
qilinghan bolup, bularning köpünchisi Bingtuanning tuan – meydanlirigha
teqsim qilinghan.
Bu xewerde körsütülishiche, her bir oqughuchigha künige 22 kilo paxta térish
yaki 22 kilo piwa güli yighiwélish wezipisi yüklengen bolup, 14 künlük
mejburi emgek künide ular jemi 308 kilo paxta yaki piwa güli térish
wezipisini orundap bolushi lazim iken. Oqughuchilar her küni etigen saet 8
de ish bashlaydiken we köpünchisi wezipilirini orundiyalmighini üchün, bezi
ata – anilar kélip perzentlirige yardem bérishke mejbur bolghan. Wezipe
eghir, emgek sharayiti intayin nachar bolghachqa, xéli köp balilar ishtin
yanghanda béli aghrip yürüyelmeydighan halgha chüshüp qalghan.
Oqughuchilarning ata – aniliri hökümetning bu qilmishidin intayin narazi
bolghan.
Sanji sheherlik 10 – bashlanghuch mektepning 3 – sinipida oquydighan bir
oqughuchining Apisi < Tianshan tori > muxpirigha hal eytip, < emdila 8
yashqa kirgen balam mana hazir etizda ishlewatidu, balamgha yardemlishish
üchün kelgen idim, chüshtimu dem almay ishlep ana – bala ikkimiz aran 16
kilo piwa güli terduq, öyge bérip bélimni alalmay 40 yuan tölep bélimni
masaj qildurdum, etisi peqetla chidap turalmay, yenimdin pul chiqirip 50
kilo piwa güli setiwélip, balamning orunlighan wezipisi qatarida hökümetke
ötküzüp bérim qaytip keldim > dep bayan qilghan.
Herqaysi mektep rehberlirining inkas qilishiche, hökümetning bekitken
ölchimi bekla yuquri bolghini üchün, mejburi emgekke sélinghan
oqughuchilarning 40 pirsenti wezipisini orunliyalmaydiken.
|
